«Қарасора-2026»: в Атырауской области уничтожено более 10 тысяч наркосодержащих растений

1 маусымнан бастап республика көлемінде есірткі құралдарының заңсыз айналымына жол бермеуге бағытталған «Қарасора-2026» жедел-профилактикалық іс-шарасы өткізілуде.

Іс-шара аясында Атырау облысында жабайы қарасора өсетін аумақтарды анықтау, оны жою және таралуына жол бермеу бағытында жұмыстар жүргізілуде. Қазіргі таңда рейдтік және тексеру шараларының нәтижесінде облыс аумағында 10 мыңнан астам қарасора өсімдігі анықталып, жойылды. Полиция қызметкерлері облыс аудандарындағы елді мекендерге іргелес аумақтарды, иесіз учаскелер мен ауыл шаруашылығы алқаптарын тексеруде.

Айта кетейік, жабайы қарасора өсетін жерлер анықталған жағдайда, өсімдіктер белгіленген тәртіппен жойылады.

Полиция азаматтарды есірткінің заңсыз айналымына жол бермеуге, күмәнді жағдайларға бейжай қарамауға және есірткіге қатысты кез келген ақпаратты құқық қорғау органдарына хабарлауға шақырады.