Полицейлер бүлдіршіндерді мерекемен құттықтады

1 маусым – Халықаралық балаларды қорғау күніне орай Атырау қаласы Полиция басқармасы Тергеу бөлімінің қызметкерлері Сәбилер үйіне барып, бүлдіршіндерді мерекемен құттықтады.

Тәртіп сақшылары балаларға сыйлықтар табыстап, көтеріңкі көңіл-күй сыйлады. Балғындардың жүзіндегі шат күлкі мен қуанышқа толы сәттер мерекенің көркін аша түсті.

Кездесу барысында полиция қызметкерлері балаларға зор денсаулық, бақытты балалық шақ, жарқын болашақ және таусылмас қуаныш тіледі.

Осындай игі шаралардың басты мақсаты – балаларға мейірім мен қамқорлық сыйлап, олардың жүздеріне күлкі ұялату.

Балалардың қуанышы – біздің ең үлкен марапатымыз!

Барша бүлдіршіндерді Халықаралық балаларды қорғау күнімен құттықтаймыз!