Бітіруші курсанттар Атырау өңіріндегі полиция бөліністерінде қызметтерін меңгеруге кірісті

Атырау облысы полиция департаментінің бастығы полиция генерал-майоры Оңал Бекеев ҚР ІІМ Бәрімбек Бейсенов атындағы Қарағанды академиясынан дипломдық тәжірибеден өтуге келген курсанттарды қабылдады. Болашақ офицерлер тәжірибелі қызметкерлердің жетекшілігімен аумақтық және салалық бөлімшелерге бекітіліп, полиция қызметінің негізгі бағыттары бойынша кәсіби дағдыларын жетілдіреді.

Тәжірибе барысында курсанттар қоғамдық тәртіпті қамтамасыз ету шараларына қатысып, тәртіп сақшысының қызметтік өзара іс-қимыл тетіктерін зерделейді. Бұл үдеріс оларға құқық қорғау органдары жұмысының құрылымы мен жауапкершілігін терең түсінуге мүмкіндік береді.

Осындай тағылымдамадан өту курсанттардың теориялық білімін тәжірибемен ұштастырып, кәсіби біліктілігін арттырады. Дипломдық тәжірибе жас мамандардың тәртіпке беріктігін, құқықтық мәдениетін және ел қауіпсіздігіне адал қызмет етуге деген ұстанымын қалыптастырады.