Құрметті Атырау облысының тұрғындары мен қонақтары!

25 қараша мен 10 желтоқсан аралығында республика көлемінде тұрмыстық зорлық-зомбылық мәселесіне назар аудару, құрбандардың құқықтарын қорғау және қайғылы оқиғалардың алдын алу мақсатында «Гендерлік зорлық-зомбылыққа қарсы белсенді 16 күн іс-әрекет» акциясы өткізілуде. Бұл акция – әйелдерге қатысты зорлық-зомбылықты болдырмау және жолын кесу, ана мен баланы қорғау, отбасы-тұрмыстық катынастар саласында құқық бұзушылық жасаған тұлғаларды анықтауға бағытталған.

 

Тұрмыстық зорлық-зомбылық – отбасы тұрмыстық қатынастар аясында бір адамның басқаға қатысты дене зардабын және психикалық зардап келтіретін немесе келтіру қаупі бар құқыққа қарсы қасақана әрекет. Бүгінде зорлық-зомбылық өткір әлеуметтік проблема ретінде жәбірленушілердің өздеріне әсер етіп қана қоймайды, сонымен қатар жалпы қоғамдық тұрақтылыққа және әлеуметтік тәртіпке қауіп төндіреді.

 

Егер де сіз зорлық-зомбылықтың құрбаны немесе куәгері болсаңыз, полицияның 102 және 111 бірыңғай байланыс нөміріне хабарласуыңызды сұраймыз!