Елордалық полиция қызметкерлері: анықтаушы полиция капитаны Айжан Мұсаева

Полиция капитаны Айжан Мұсаева 2023 жылдан бастап Нұра аудандық полиция басқармасының анықтаушысы қызметін атқарады. Жас қызметкер екі академияда - ҚР ІІМ Қостанай академиясында және Бас прокуратура жанындағы Құқық қорғау органдары академиясында оқу оқыған.
2021 жылы заң ғылымдарының магистрі дәрежесін қорғағаннан кейін капитан Мұсаева елордалық департаменттің әкімшілік полиция басқармасына қызметке тұрған.
Неге полицей мамандығын таңдадың деген сұраққа Айжан бұл "мектеп күнгі арманым" деп бірден жауап берді. Болашақ полиция қызметкерінің отбасында ішкі істер қызметкерлері болған жоқ, бірақ қыз оны қандай қиындықтар күтіп тұрғанын білді, бұл жай ғана романтика немесе кездейсоқ таңдау емес. Оқу кезеңінде ол жеңіл атлетикамен белсенді айналысып, өнер көрсетіп, қалалық және республикалық жарыстарда жүлделі орындарға ие болады.
Полиция қызметі көп уақыт пен күш жұмсауды талап етеді, кейде анықтаушы мереке және демалыс күндері жұмыс істеуі керек. "Мен ұрлық пен алаяқтықты тергеумен айналысамын, жедел-тергеу тобының құрамында тәуліктік кезекшілікке барамын, азаматтардан өтініштер қабылдаймын", - деді полиция капитаны.
Анықтаушының негізгі міндеті қылмыстық істерді тергеу және оларды құқық бұзушыларды қылмыстық жауапкершілікке тарту үшін сотқа жіберу болып табылады. Анықтаушы дәлелдемелерді жинау, қылмыс болған жерді тексеру, тінту, жауап алу сияқты жедел-тергеу іс-шараларын жүргізеді.
Жұмыстың көп болғанына қарамастан, полиция капитаны Мұсаева жұмысты, спортпен шұғылдануды және балаларды тәрбиелеуді үйлестіре алады. Жас ана 8 және 9 жастағы екі ұлды тәрбиелеп отыр.