Интернет-алаяқ Астанада OLX сайтына жалған билеттер сатқан

Алматы қаласының тұрғыны OLX сайтында әуе және пойыз билеттерін сатумен айналысатын қылмыстық кәсіп ұйымдастырған. 2023 жылдың сәуір айынан бастап ол жарнама сайтында билеттерді арзандатылған бағамен сату туралы ақпаратты жариялаған.
Осылайша, Алматы аудандық полиция басқармасына елорда тұрғыны хабарласып, әуе билеттерін сатамын деген желеуге сеніп, белгісіз біреуге 100 мың теңге аударып жібергенін хабарлаған. Астана тұрғыны айтқандай, ол 10 билет алуды жоспарлаған. Жәбірленуші күдіктеніп, билеттерді күтпестен полицияға хабарласқан.
Жедел іздестіру шаралары барысында полицейлер алаяқтықпен айналысты деген күдікпен Алматы қаласының 41 жастағы тұрғынының құрықтаған.
Қазіргі уақытта басқа да зардап шеккендердің кім екені анықталуда. Оған «Алаяқтық» бабы бойынша қылмыстық іс қозғалды.
Полиция департаменті азаматтарға интернет арқылы тауар сатып алу кезіндегі қауіпсіздік ережелерін сақтауды ескертеді. Ұсыныстарды мұқият зерделеу - алаяқтар көбінесе тауарларды нарықтық құнынан төмен бағамен ұсынады. Жеке деректеріңізді, байланыс деректеріңізді және құжаттарыңызды бөліспеуді ұсынамыз. Күмән туындаған кезде, әсіресе халықаралық деңгейде сатып алу кезінде алдын ала төлем мен жөнелтуден аулақ болуға тырысқаныңыз дұрыс.