Қауіпсіз жол: жастар – Заң мен тәртіп үшін

«Заң мен тәртіп» тұжырымдамасы аясында елордалық полицейлер қалалық прокуратурамен бірлесіп, Astana Polytechnic білім алушыларына арналған жол қауіпсіздігі қағидаларын сақтауға бағытталған маңызды профилактикалық іс-шара өткізді.
Кездесу ашық диалог форматында өтті. Қатысушыларға жол қозғалысы ережелерін сақтаудың маңыздылығы, жолдағы жеке жауапкершілік пен мұқияттылықтың рөлі, сондай-ақ қоғамдағы мінез-құлық мәдениетінің маңызды элементі ретінде құқықтық сауаттылықтың негіздері түсіндірілді.
Іс-шараға Қызыл Жарты Ай Қазақстан қорының өкілдері қатысып, алғашқы медициналық көмек көрсетудің базалық дағдыларын және төтенше жағдайларда әрекет ету алгоритмдерін көрсетті.
Шара барысында жол-көлік оқиғаларының негізгі себептері, жол қозғалысына қатысушылардың жиі жіберетін қателіктері, жаяу жүргіншілер, жолаушылар мен жүргізушілер үшін қауіпсіз жүріс-тұрыс қағидалары жан-жақты қарастырылды.
Осындай іс-шараларды өткізу жастар арасында қауіпсіздік мәдениетін, құқықтық жауапкершілікті және өз өмірі мен айналасындағылардың денсаулығын сақтауға деген саналы көзқарасты қалыптастыруда маңызды рөл атқарады.