Астананың үздік анықтаушысы — Серік Қазбек

Астана қаласы Есіл ауданы Полиция басқармасының аға анықтаушысы Серік Қазбек – ішкі істер органдары қызметкерлерінің жаңа буынының өкілі.
Ол ішкі істер органдарындағы қызметін 2022 жылғы ақпан айында бастаған. Кәсібилігі, жауапкершілігі мен тәртібінің арқасында биылғы жылдың ақпан айында аға анықтаушы лауазымына тағайындалды.
2025 жылы Серік Қазбектің өндірісінде 94 қылмыстық іс болды, олардың басым бөлігі сотқа жолданып немесе заңды процессуалдық шешімдермен аяқталды.
Қызметінің қорытындысы бойынша ол 2025 жылдың Астана қаласының үздік анықтаушысы деп танылды. Жоғары нәтижелері үшін Қазақстан Республикасы Ішкі істер министрінің грамотасымен марапатталды.
Серік Қазбек – заманауи көзқарасты, терең білімді және қызметтік борышына адалдықты ұштастыра білген жас маманның жарқын үлгісі.