Астаналық полиция қоғамдық орынды ластау фактісін анықтады

Елордада қоршаған ортаны қорғау мен тазалықты сақтауға бағытталған «Таза Қазақстан» республикалық акциясы жалғасуда. Елордалық полиция қоғамдық орындарды ластау, қалдықтарды заңсыз төгу және жолын кесу жұмыстарын күшейтті.
Полиция қызметкерлері тұрақты түрде рейдтер өткізіп, қоқыс үйінділері пайда болуы мүмкін орындардағы бейнебақылау камераларының жазбаларын бақылауда ұстайды, сондай-ақ тұрғындарға экологиялық қауіпсіздік ережелерін түсіндіреді.
Акция басталғалы бері 69 мыңнан астам құқық бұзушылық анықталды. Экологиялық талаптарды сақтамағаны үшін 520-ден астам жүк көлігінің және 210 ассенизаторлық автокөліктің жүргізушілері әкімшілік жауапкершілікке тартылды.
Осылайша, «Алматы» ауданында “ЗИЛ 130” маркалы автокөлік ағынды суларды белгіленбеген жерге төгу фактісін тіркеді. Жүргізушіге қала аумағын абаттандыру қағидаларын бұзғаны үшін Қазақстан Республикасының Әкімшілік құқық бұзушылық туралы кодексінің 505-бабы 1-бөлігі бойынша шара қолданылды.
Елордалық полиция қала тұрғындарын тазалықты сақтауға, қоршаған ортаны аялауға және құқық бұзушылық фактілерін көрген жағдайда дереу құқық қорғау органдарына хабар беруге шақырады.