«Заң және тәртіп: үнсіздіктен шыққан қадам» – астана полициясы зорлық-зомбылық туралы үнсіз қалмауға шақырады

Қазақстанда азаматтардың құқықтарын қорғауға және отбасылық-тұрмыстық зорлық-зомбылықтың алдын алуға бағытталған «Гендерлік зорлық-зомбылыққа қарсы 16 күн белсенді іс-қимыл» акциясы өтіп жатыр.
Осы күндері елордада профилактикалық жұмыс күшейтілді: қорғау және ерекше талаптар шығарылған отбасыларды аралау, психологтардың кеңестері, еңбек ұжымдарында және дағдарыс орталықтарында ақпараттық кездесулер ұйымдастырылуда. Мақсат – қауіп-қатерді дер кезінде анықтау, азаматтардың құқықтарын түсіндіру және қатер төнген жағдайда әрекет ету алгоритмін үйрету.
Жыл басынан бері полиция органдарына отбасылық-тұрмыстық зорлық-зомбылық фактілері бойынша 8 мыңнан астам өтініш келіп түсті. Барлық сигналдар бойынша шаралар қабылданды.
Негізгі іс-шаралардың бірі – «Қызғылт сары үнсіздік челлендж» акциясы болды. Ол елорданың Орталық паркінде полицияның еріктілері мен қоғамдық көмекшілерінің қатысуымен өтті. Бір минут үнсіздік көптеген жәбірленушілердің мәжбүрлі түрде үнсіз қалатынын және бұл мәселені ашық талқылау мен қоғамдық назарға алудың маңыздылығын еске салды.
Акция зорлық-зомбылықты қабылдамау және оған нөлдік төзімділік таныту – қайғылы оқиғалардың алдын алудың және көмекке зәру жандарға дер кезінде қолдау көрсетудің маңызды шарты екенін айқындайды.
Полиция еске салады: егер сізге отбасылық-тұрмыстық зорлық-зомбылық фактілері немесе бір адамның қауіпті жағдайда екені белгілі болса, бұл туралы дереу құқық қорғау органдарына хабарлау қажет.
Қоғамның берік ұстанымы мен зорлық-зомбылыққа төзбеушілігі – заң мен тәртіптің негізі.