Автобуста газ баллонын қолданған азамат 5 тәулікке қамалды

Елордада қалалық автобустың ішінде екі таныстың арасында жанжал шығып, оның барысында 18 жастағы жігіт жабық кеңістікте газ баллонын қолданып, автобустан шығып бара жатқан досының жағына бүріккен.
Газдың шашылуына байланысты жолаушылар жөтеліп, демалуы қиындай бастаған. Автобус жүргізушісі бірден көлікті тоқтатып, салонды желдетіп, полиция шақырған. Жолаушылардың ешқайсысына медициналық көмек қажет болмады.
Бұзақының жеке басы елордалық полиция қызметкерлерімен анықталды. Жігіт ұсақ бұзақылық жасағаны үшін әкімшілік жауапкершілікке тартылып, сот шешімімен 5 тәулікке қамау жазасы тағайындалды.
Елорда полициясы ескертеді: газ баллондары мен өзге де арнайы құралдарды қажетсіз және қоғамдық орындарда қолдану айналадағылардың денсаулығына нақты қауіп төндіреді. Мұндай құрылғыларды жабық кеңістікте пайдалану әсіресе қауіпті.
Полиция азаматтарды арнайы құралдар мен өзге де әлеуетті қауіпті заттарды қолдану ережелерін сақтауға және жауапкершілік танытуға шақырады. Адам зардап шегуі мүмкін жағдайларды әдейі туындату – заң бойынша елеулі жауапкершілікке әкеледі, мұндай барлық құқық бұзушылықтар қолданыстағы заңнама және «Заң және тәртіп» тұжырымдамасын іске асыру аясында қатаң түрде жолын кесіледі.