Пәтер уәде етіп, баспанасыз қалдырды: миллиондаған теңгелік алаяқтық

Астана қаласының полицейлері жедел-іздестіру іс-шаралары барысында құрылыс саласында алаяқтық жасады деген күдікпен 52 жастағы ер адамды ұстады.

Тергеу барысында анықталғандай, күдікті елордадағы тұрғын үй кешендерінің бірінің  азаматтармен пәтер сату сылтауымен брондау туралы келісімшарттар жасаған. Ақша қаражатын алған соң, ол құрылыс аяқталғаннан кейін жылжымайтын мүлікті меншікке беремін деп уәде еткен. Алайда тергеу кезінде кейбір пәтерлердің бірнеше адамға бірдей сатылғаны белгілі болды.

Қазіргі уақытта заңсыз әрекеттің 42 эпизоды тіркелген. Бір жағдайда келтірілген залал сомасы 6,5 миллион теңгені құрады. Тұрғын үй кешенінің құрылысы тоқтатылған.

Күдіктіге қатысты алаяқтық фактісі бойынша қылмыстық іс қозғалды.

Құқық қорғау органдары азаматтарды жылжымайтын мүлік бойынша мәмілелер жасағанда ерекше сақ болуға және нысандардың заңдылығын мұқият тексеруге шақырады.