Астана полицейлері электросамокат жүргізушілеріне бақылауды күшейтті

Жыл басынан бері елордалық полицейлер электросамокат жүргізушілері тарапынан жол қозғалысы ережелерін бұзудың шамамен 6500 дерегін анықтады. Сонымен қатар 31 жол-көлік оқиғасы тіркеліп, оның 18-і кәмелетке толмағандардың қатысуымен болған.
Қазақстан халқына Жолдауында Мемлекет басшысы Қасым-Жомарт Тоқаев қауіпсіз жүргізу мәдениетін қалыптастырудың маңыздылығын атап өтті. Сондай-ақ, ол электросамокаттарды пайдалану мәселесі қоғамда кең талқыланып отырғанын және ерекше назарды талап ететінін жеткізді.
Елорда полициясы жаяу жүргіншілердің, велосипедшілердің және электросамокат пайдаланушыларының қатысуымен болатын жол-көлік оқиғаларының алдын алуға бағытталған профилактикалық шараларды күшейтті.
Азаматтарды жол қозғалысы ережелерін сақтауға, мұқият болуға және барлық жол қозғалысына қатысушыларға құрметпен қарауға шақырамыз.