Астаналық полицейлер есірткі қылмыстары үшін жауапкершілікті түсіндірді

«Заң және Тәртіп» тұжырымдамасын іске асыру және «30 күндік профилактикалық іс-шаралар кешені» аясында Астана полициясының жеке құрамы қаладағы аумақтық учаскелерді аула аралап, тұрғындармен профилактикалық кездесулер өткізді.
Бұл іс-шаралардың мақсаты — азаматтардың құқықтық санасын арттыру, құқық бұзушылықтардың алдын алу және қоғамдық қауіпсіздікті қамтамасыз ету мәселелерінде белсенді азаматтық ұстанымды қалыптастыру.
Кездесулер барысында полицейлер есірткі қылмыстарын және өзге де құқық бұзушылықтарды тыюға бағытталған шаралар туралы егжей-тегжейлі айтып берді.
Ерекше көңіл есірткі құралдарының заңсыз айналымының алдын алуға, оларды сақтау, сату және қолдану үшін қарастырылған жауапкершілікті түсіндіруге бөлінді.
Мұндай іс-шаралар халықтың хабардар болу деңгейін арттыруға, полиция мен қоғам арасындағы сенімді нығайтуға, сондай-ақ есірткі қылмыстарымен және қоғамдық қауіпсіздікке басқа да қатерлермен бірлесе күресуге маңызды үлес қосады.