Астаналық полицейлер ер адамды құтқарды

Елордада полиция қызметкерлері қайғылы жағдайдың алдын алды.

54 жастағы ер адам көпқабатты үйдің төбесіне көтеріліп, төмен секірмек болған. Оқиға орнына жедел жеткен полиция капитаны Олжас Байсариев пен полицияның аға лейтенанты Мәди Раев шұғыл әрекет етіп, төбеге көтерілді де, ер адамды қауіпті жерден тартып алып, балконнан түсірді. Олардың батыл қимылының арқасында ер адам аман қалып, келген жедел жәрдем қызметкерлеріне тапсырылды.