Алматының Әуезов ауданындағы Райымбек даңғылы бойындағы үйлердің бірінен тұрмыстық техника ұрланды.
Жедел уәкілдер тез арада күдіктіні анықтап, қолға түсірді. Бұл - 2002 жылы туған С.есімді азамат.
«Қаскөйдің бөтеннің үйіне терезені қысу арқылы кіргені анықталды. Мақсат – заңсыз баю. Үйде ешкімнің жоқтығын пайдаланды. Ең бірінші көзіне түскені – теледидарды алды. Үй иесі келтірілген материалдық шығынды 110 мың теңгеге бағалаған. Аталған дерек бойынша сотқа дейінгі іс жүргізу ҚР ҚК-нің 188-бабы 3-бөлігі бойынша жүргізілуде. Ұсталған азаматтың жалпы қала аумағында бұрын жасалған осыған ұқсас қылмыстарға қатысы бар-жоғы тексерілуде», - деді, Әуезов аудандық полиция Басқармасының бастығы, полиция подполковнигі Ұлан Әбілқайыр.