«Мерседес» жүргізушісі, жол-көлік оқиғасында кінәлі деп танылды

 Анықтау Басқармасының хабарлауынша, бұл факті 2020 жылы 12 қарашада түнде Рысқұлов даңғылының бойымен, шығысқа қарай, Шәріпова мен Саин көшелерінің аралығында болған.
«Куәгерлердің айтуынша, даңғыл бойымен екі шетелдік көлік өзара жарыс ұйымдастырды. Mercedes E-class автокөлігінің жүргізушісі Шәріпова көшесінен өтіп бара жатып кенеттен көлікті басқара алмай қалды, оның көлігі жолда айналды, содан кейін ол бөлінген көгалға ұшып кетті, сол жерде темір қоршаудың он шақты бөлігін бұзып, кері жолға қарай шықты. Жол-көлік оқиғасы салдарынан Mercedes көлігінің алдыңғы орындығында отырған жолаушы сол жерде қайтыс болды: оны тіпті салонға орналастырылған қауіпсіздік жастықтары да құтқара алмады.
Шотаев азаматтың іс әрекеті ҚР ҚК-нің 345 бабы 3 бөлімі және 347 бап бойынша біліктілікке ие. Тергеу аяқталды. Қылмыстық істің материалдары сотқа өткізілді», - деп хабарлады, Алматы қаласы полиция Департаменті бастығының орынбасары, полиция подполковнигі Рүстем Әбдрахманов.
Сот шешімімен М.А.Шотаев азамат көрсетілген қылмыстық құқық бұзушылықты жасағаны үшін кінәлі деп танылды. Ол 5 жыл мерзімге көлік құралын басқару құқығынан айырылды. Сонымен қатар, 2 жыл 6 ай мерзімге бас бостандығынан айыру түрінде жаза тағайындалды.