Алматы қаласының полицейлері ІІМ ардагерлеріне қызметтері мен тәлімгерліктері үшін ризашылықтарын білдіріп барып қайтты

 Алғыс айту күні және көктемнің алғашқы күні Алматы полициясы ішкі істер органдарының ардагерлеріне барып қайтты. Ризашылық ретінде жас қызметкерлер көмек көрсетті, дәріханаға барып қайтты, ауладағы қарды тазалады, пәтерде тазалық жұмыстарын ұйымдастырды. Қысқасы, қазіргі полиция қызметкерлері зейнеткер тәлімгеріне ризашылықтарын білдірді.
«Ардагерлерді аралап, олардың адал қызметтері мен тәлімгерліктері үшін алғыс айту дәстүрлі іс болып табылады, бұл алғыс айту күнін осылай өткізуге керемет жағдай. Ардагер ұйымдардың қатарына тек Ішкі істер министрлігінің зейнеткерлері ғана емес, сонымен бірге Ұлы Отан соғысының қатысушылары, Ауғанстандағы соғыс қимылдарының ардагерлері кіреді. Сондықтан оларға жиі бару, қызығушылық таныту және көмектесу өте маңызды. Бүгін біздің жас офицерлер алғыс ретінде ардагерлерге барады, бірақ олар өздері де ардагерлерден алғыс сөздерін естиді. Кейінірек бұл офицерлерге жас қызметкерлер келетін болады. Біз барлық ардагерлерге өз істеріне адалдықтары үшін, қосқан үлестері үшін және сезімтал тәлімгерліктері үшін алғысымызды білдіреміз », - деп қорытындылады, Алматы қалалық полиция Департаменті бастығының орынбасары, полиция полковнигі Әбдуәли Нашарбеков
2016 жылдан бастап алғыс айту күні жыл сайын көктемнің алғашқы күнінде аталып келеді. Бұл туралы Нұрсұлтан Әбішұлы Назарбаев қол қойған No173 жарлықта айтылған. 2021 жылы қазақстандықтар жас ұрпаққа елдің сақталған егемендігін еске салуға бағытталған мерекені бесінші рет атап өтеді.