ҚР ІІМ «Сұңқар» арнайы мақсаттағы отрядының құрылғанына 25 жыл толуына арналған турнирде Алматыдағы ЖӘАЖ сарбаздары бірінші орынға ие болды

 Республиканың астанасы Нұр-Сұлтанда құқық қорғау органдарының арнайы бөлімшелері арасында IPSC ату бойынша турнир өтті. Жарысқа «Сұңқар», «Арлан», «ЖӘАЖ», «СГО» және басқа командалардың оқ атушылары қатысты.
Іс-шараны ҚР ІІМ бірінші орынбасары полиция генерал-майоры Марат Қожаев пен министрдің орынбасары полиция генерал-майоры Алексей Калайчиди ашты. Жарыс Ішкі істер Министрлігінің «Алатау» спорт кешенінде өтті. Оқ атушылар «Стандарт» және «Классикалық» кластарда тәжірибелік ату бойынша сайысқа түсті. «Классикалық» кластағы ең жақсы нәтижені Алматы қаласы ПД жедел әрекет етудің арнайы жасағы көрсетті.
«Турнир жоғары деңгейде өтті. Бұл жеңіс біздің сарбаздардың дайындығын, олардың ату шеберлігін айқын көрсетеді. Жеңісіміз үшін біздің жігіттер CZ 75B жауынгерлік тапаншасымен марапатталды. Мұндай жеңістер мен сыйлықтар жаңа жеңістер мен жақсы нәтижелерге ынталандырады және солай болады. Айтпақшы, біздің атқыштар басшылыққа көтермелеу үшін ұсынылатын болады »- деп қорытындылады, Алматыдағы ЖӘАЖ-ның командирі, полиция подполковнигі Сергей Афанасенко.