«Арбат бойымен тоғыз аю жүр»: Алматы полициясы Жаңа жыл қарсаңындағы қызықтар туралы айтты

"102" қызметінің хабарлауынша, Алматыда жаңа жылдық мерекелер тыныш болды.
«31-і күні «102» пульті 1 мың 600 хабарлама қабылдады. Бұл қалыпты күндердегіден аз. Олар негізінен ақпараттық, анықтамалық және тұрмыстық мақсаттарға арналған: көршілер шу шығарды, отшашулардың дауысы қатты шығып жатты. Жаңа жыл қарсаңында, барлық мереке күндері сияқты Алматы қаласы ПД-ның жедел басқару орталығы тәулік бойы жұмыс істеді. Егер азаматтар демалып жатса, біз жұмыс істедік. Жаңа жыл қарсаңында қызмет еткен біздің қызметкерлер оларға қандай жауапкершілік жүктелгенін түсінді - бұл қоғамдық тәртіпті және азаматтардың қауіпсіздігін қамтамасыз ету. Негізінде, түн жұмыс режимінде ешқандай артықшылықсыз өтті. Қоғамдық тәртіпті өрескел бұзу немесе қылмыс болған жоқ », - деді, Алматы қалалық ПД жедел басқару орталығының бастығы, полиция полковнигі Андрей Квашнин.
Осы мерекелерде күлкілі жағдайларсыз болмады.
«Бізге ОӘД "ЦУМ" айналасында аюлар жүргендігі туралы хабарлама келіп түсті. Әрекет ете бастағанда, бейнебақылау камераларын "Арбатқа" бағыттадық, сол кезде оқиға орнында 9 аю - панда киімін кигендердің жүргенін анықтадық. Олар ойын-сауық іс-шарасының қатысушылары. Жалпы, Жаңа жыл түні тыныш болып өтті. Тәжірибе көрсеткендей, ертерек Жаңа жыл қалада, әрине, кең көлемде тойланды. Бұл жолы Алматыда бұқаралық іс-шаралар, мерекелік шаралар болған жоқ, қоғамдық орындарда көліктер мен азаматтар аз болды », - деді, полковник Квашнин.
Сонымен қатар, спикер осы Жаңа жылда болған басқа да қызығушылықтарды тізбектеді:
- ірі супермаркеттердің бірінде жас жігіт мас күйінде, шалбарына салып виски бөтелкесін алып шықпақ болған. Ол ұсталды;
- жеке үйлердің бірінде алкогольдік ішімдіктерді ішкен бірге тұратындар төбелесіп қалды, олар Жаңа жылда басты кейіпкер, кім Аяз ата немесе Ақшақар болады деп дауласып қалған;
- көпбалалы Алматы тұрғыны жаңа жылдық сыйлықтарын таксиде ұмытып кетті. Полиция тез арада жеке тасымалдаушыны тауып, ұмытып кеткен сыйлықтарды Жаңа жыл алдында қайтарып берді, және т.б.