Профилактика жылы аясында Алматы қаласының полицейлері жол-көлік мәдениетін арттыру және қала көшелерінде жарақаттанудың алдын алу мақсатында ауқымды құқықтық түсіндіру және профилактикалық жұмыстарды жалғастыруда.
Жұмыстың бір бағыты – жаяу жүргіншілермен, балалармен және жасөспірімдермен жүргізілетін түсіндіру іс-шаралары. Қаладағы адам көп жүретін көшелерде полицейлер, жас жол қозғалысы қатысушыларына жолды қауіпсіз кесіп өту ережелерін, жарық шағылыстыратын элементтерді тағудың маңыздылығын, сондай-ақ жолда мұқият болу мен тәртіп сақтау қажеттілігін еске салды. Ата-аналар мен ересек азаматтардың назарын балалар пайдаланатын көлік құралдарының – самокаттардың, велосипедтердің және электр самокаттардың қауіпсіздігіне аударды.
Мопедтерді пайдалану ережелерін түсіндіруге де ерекше көңіл бөлінді. Қаланың бірнеше жүктемесі жоғары қиылыстарында профилактикалық науқандар ұйымдастырылып, тақырыптық брошюралар таратылды. Қала тұрғындарына мопед жүргізу үшін жаңа талаптарды міндетті түрде сақтау керектігі еске салынды: техникалық төлқұжаттың, нөмірлік белгінің, сақтандыру полисінің және «А» санатындағы жүргізуші куәлігінің болуы, жол қозғалысы ережелерін сақтау және қорғаныш құралдарын пайдалану қажет.
«Бүгінде профилактика – жолдардағы жарақаттану мен құқықбұзушылықты азайтудың басты тетігі. Біз тек құқықбұзушылықтарды тіркеп қана қоймай, түсіндіруге, алдын алуға, үйретуге тырысамыз. Профилактика жылында біз түсіндіру жұмысын күшейттік, оның ішінде жас жаяу жүргіншілер мен мопед жүргізушілеріне ерекше көңіл бөлінуде. Қауіпсіздік – бұл ортақ жауапкершілік, және заңды, жол қозғалысы мәдениетін қолдайтын азаматтарға алғысымызды білдіреміз», – деді, Алматы қаласы ПД Әкімшілік полиция Басқармасының бастығы Асхат Құлбаев.
Ағымдағы жылдың басынан бері Алматыда мопедтердің қатысуымен 600-ден астам жол-көлік оқиғасы тіркелген. Нәтижесінде 6 адам қаза тауып, тағы 646 адам әртүрлі дәрежедегі дене жарақатын алған. Бақылау шараларын күшейту аясында полиция қызметкерлері мопед жүргізушілерінің 6 мыңнан астамын түрлі жол қозғалысы ережелерін бұзғаны үшін әкімшілік жауапкершілікке тартты.
Профилактикалық жұмыс Мемлекет Басшысы белгілеген «Заң және тәртіп» идеологемасы және ҚР Ішкі істер министрлігі жариялаған Профилактика жылы аясында тұрақты түрде жалғасатын болады.
Алматы қаласы ПД есірткі қылмысына қарсы күрес Басқармасының қызметкерлері жүргізген жедел-іздестіру іс-шараларының нәтижесінде мефедрон атты психотроптық заттың заңсыз айналымы анықталды.
Қала аудандарының бірінде ер адам тоқтатылып, жеке тінту кезінде одан психотроптық затқа ұқсас зат табылды және тәркіленді. Сараптама қорытындысы бойынша, тәркіленген заттың мефедрон екендігі расталды.
Жүргізілген іс-шаралар барысында екінші күдікті де анықталып, арнайы жасақтың қолдауымен Алматы облысында ұсталды.
Тінту кезінде қосымша айғақтар, соның ішінде электронды құрылғылар мен психотроптық санатына жататын заттар тәркіленді.
Аталған дерек бойынша сотқа дейінгі тергеу амалдары жүргізілуде.
Күдіктілер уақытша ұстау изоляторына қамалды.
Оқиғаның барлық мән-жайы анықталуда.
Алматы қаласында өткен демалыс күндері мамандандырылған патрульдік полиция батальонының күшімен жол жүру ережелерінің өрескел бұзылуын анықтау және жолын кесу мақсатында кең ауқымды рейдтік іс-шара өткізілді. Әсіресе, түнгі уақытта жол-көлік оқиғаларына және жол қозғалысына қатысушылардың қауіпсіздігіне тікелей әсер ететін құқықбұзушылықтарға ерекше назар аударылды.
Іс-шара барысында әйнектерін заңсыз күңгірттеген, ішімдік ішіп көлік басқарған, құжатсыз немесе жүргізу құқығы жоқ, сондай-ақ сақтандыру полисі жоқ көлік құралдары тексерілді. Нәтижесінде 94 әкімшілік хаттама толтырылды. Олардың қатарында мас күйінде көлік басқару, мемлекеттік нөмірлік тіркеу белгілерсіз жүру, құжатсыз көлік жүргізу, қауіпті маневр жасау және басқа да бұзушылықтар бар.
Кәмелетке толмағандардың көлік басқаруына жол бермеу мәселесіне де ерекше көңіл бөлінді.
Мәселен, шілденің 27-сіне қараған түні сағат 02:20 шамасында «Түнгі қаладағы балалар» жедел-алдын алу іс-шарасы аясында полицейлер «Мерседес» автокөлігін тоқтатқан. Оның тізгінінде 2008 жылы туған Алматы қаласының кәмелетке толмаған тұрғыны болған. Жас жүргізуші Медеу аудандық полиция Басқармасына жеткізіліп, көлік арнайы тұраққа қойылды.
«Ішкі істер министрлігі жариялаған Профилактика жылы – бұл формальдылық емес, қаланың көшелерінде атқарылып жатқан нақты жүйелі жұмыс. Біз Мемлекет Басшысы айқындаған «Заң және тәртіп» қағидасы аясында әрекет етеміз. Экипаждарымыз күн сайын ондаған өрескел құқықбұзушылықтарды анықтап жатыр. Әсіресе, кәмелетке толмағандардың рөлге отыруы алаңдатады. Әрбір осындай жағдай ата-аналарға жеткізіліп, бақылауға алынады. Профилактика – бұл қауіпсіздік пен жауапкершілік», – деді, Алматы қаласы ПД Жергілікті полиция қызметі Басқармасының бастығы Серік Шумаев.
Алматыда адам сенгісіз оқиға болды: «Буран-205» экипажының полиция қызметкерлері перзентханаға үлгермеген әйелді босандырып алды. Барлығы тез болды: көмек сұралған сәттен бастап нәрестенің дүниеге келуіне дейін бар болғаны бірнеше минут өтті.
Қызметтік кезекшілік барысында патрульдік экипажға әйелдер көмек сұрап жүгінді: олардың көршісінің жағдайы күрт нашарлаған, ол жүктіліктің соңғы кезеңінде болды. Жедел жәрдемді күтпей, патрульдік полицейлер әйелді қызметтік көлікке отырғызып, жақын маңдағы перзентханаға қарай бет алды.
Алайда медициналық мекемеге жетіп үлгермеді – жолда әйелдің толғағы басталды. Жағдайды бағалаған полицейлер өз бетімен әрекет ету туралы шешім қабылдады. Нәтижесінде, патрульдік көліктің ішінде ұл бала дүниеге келді. Осыдан кейін ана мен жаңа туған нәресте келген дәрігерлерге тапсырылды.
«Біз жақын маңдағы ауруханаға баруды жоспарладық. Бірақ бір сәтте босану басталды. Әрине, уайымдадық, бірақ дүрбелеңге уақыт болмады. Оны қолдап, сабырлық сақтауға тырыстық. Шынымды айтсам, эмоцияны сөзбен айтып жеткізу мүмкін емес», - деді, Алматы қалалық ПД ЖПҚБ ППП инспекторы, полиция аға лейтенанты Данияр Сағынбаев.
«Біз дәрігер емеспіз, бірақ жай ғана көмектесуіміз керек екенін түсіндік. Барлығы өте тез болды. Әйел батылдық танытты. Мұндай сәттерде полиция қызметі – тек тәртіп сақтау емес, күтпеген жағдайда көмек көрсету екенін түсінесің», - деді, Алматы қалалық ПД ЖПҚБ ППП инспекторы, полиция аға лейтенанты Бекжан Әлкен.
«Біздің қызметкерлер күн сайын әртүрлі жағдайларға тап болады. Бірақ мұндай жағдайлар - ерекше. Олар адами қасиеттердің қаншалықты маңызды екенін, әрекетке деген құлшынысын көрсетеді. Қызметкерлерге ерекше ризашылығымды білдіремін, олар абдырап қалмай, жауапкершілікті өз мойнына алып, екі адамның өмірін аман алып қалды. Міне, қоғамға осындай полиция керек», - деді, Алматы қалалық ПД ЖПҚБ патрульдік полиция Полкінің командирі, полиция полковнигі Қуаныш Сатаев.
Соңғы мәлімет бойынша, ана мен баланың жағдайы жақсы. Жақын арада отбасына ерлік танытқан полицейлердің әріптестері тарапынан құттықтау ұйымдастырылады.
Алматы қалалық полиция Департаментінде жол қозғалысы қауіпсіздігін арттыру және жолаушылар тасымалы саласындағы тәртіпті нығайту мәселелеріне арналған кеңес өтті. Оған әкімшілік полиция қызметкерлері, автопарктердің өкілдері, қоғам белсенділері және сарапшылар қауымдастығы қатысты.
Алматы қаласы ПД Әкімшілік полиция Басқармасының бастығы Асхат Құлбаевтың айтуынша, жолдардағы қауіпсіздікті қамтамасыз ету, әсіресе жолаушыларды тасымалдау кезінде, барлық мүдделі тараптардың ортақ жауапкершілігін талап ететін басым бағыттардың бірі болып табылады.
«Қазіргі уақытта еліміз бойынша «Тасымалдаушы» жедел-алдын алу іс-шарасы өтіп жатыр. Оның басты мақсаты – жол қауіпсіздігін арттыру және қоғамдық көлік жүргізушілері тарапынан заң бұзушылықтарға жол бермеу. Тасымалдау қауіпсіздігін қамтамасыз ету - біздің ортақ міндетіміз. Барлық қызметтердің үйлесімді жұмысы мен тәртіпті ұстану арқылы ғана қала тұрғындарының сенімін ақтап, қайғылы оқиғалардың алдын алуға болады», - деді, Асхат Құлбаев.
Кеңесте 2025 жылдың алғашқы жартыжылдығында қоғамдық көліктің қатысуымен орын алған жол-көлік оқиғаларына талдау жасалды. Жарақат алғандар саны да артып отырғаны атап өтілді. Сонымен қатар, жедел-алдын алу іс-шаралары барысында қоғамдық көлік жүргізушілері тарапынан жол ережелерін бұзу деректері және техникалық ақауы бар автобустардың пайдаланылғаны белгілі болды.
Көлік жүргізушілерін даярлау, олардың тәртібі, рейс алдындағы нұсқамалар мен автокәсіпорындар тарапынан бақылау мәселелеріне ерекше назар аударылды. Жаңа оқу жылы қарсаңында, жолаушылар ағыны мен қоғамдық көлікке түсетін жүктеме артатын кезеңде, алдын алу шараларын күшейтудің маңыздылығы атап өтілді.
Тараптар тасымалдау қауіпсіздігі деңгейін арттыру және жол қозғалысына жауапкершілікпен қатысу мәдениетін қалыптастыру бойынша одан әрі өзара іс-қимыл және күш-жігерді үйлестіру қажеттілігі туралы ортақ пікірге келді.
Қалада отбасы-тұрмыстық қатынастар саласындағы құқықбұзушылықтардың алдын алу және профилактикалық есепте тұрған адамдарды бақылау мақсатында «Тұрғын үй» жедел-алдын алу іс-шарасы өткізілді.
Іс-шара барысында учаскелік полиция инспекторлары ішкі істер органдарында келесі санаттар бойынша есепте тұрған азаматтардың тұрғылықты мекенжайларын тексерді: қорғану ұйғарымы, ерекше талаптар, маскүнем, нашақор, қолайсыз отбасы.
«Іс-шараның мақсаты – қайталама және тұрмыстық зорлық-зомбылықтың алдын алу, сондай-ақ өмірлік қиын жағдайға тап болған отбасыларға мақсатты көмек көрсету. ІІМ жариялаған профилактикалық жыл, полиция қызметкерінің құқықбұзушылық болғаннан кейін ғана емес, оның алдын алу үшін жиі келуін қамтамасыз ету», – деп хабарлады, Алматы қаласы ПД Жергілікті полиция қызметі Басқармасы бастығының орынбасары Айтан Елеусізов.
Тексеру барысында қаланың шағын аудандарының бірінде полиция қызметкерлері алкогольдік ішімдікті жүйелі түрде асыра пайдалану және қорғану ұйғарымының шарттарын бұзғаны үшін есепте тұрған азаматпен профилактикалық әңгіме жүргізді. Оған заңнамадағы өзгерістер мен тұрмыстық құқықбұзушылықтардың салдары түсіндірілді.
Сондай-ақ, басқа бір есепте тұрған адамның ерекше талаптарды бұзғаны анықталып, оған қатысты сот 10 тәулікке әкімшілік қамау түріндегі жаза тағайындады.
Отбасы-тұрмыстық жанжалдардың алдын алу және қауіпсіздікті қамтамасыз ету жұмыстары жалғасатын болады.
Алматы қаласының Бостандық ауданында күндіз Тимирязев көшесінде орналасқан дүкеннің қасбетінен өрт шықты. Оқиғаға сол кезде ауысымынан кейін үйіне қайтып келе жатқан жылдам қимылдайтын арнайы жасақтың қызметкері полиция аға лейтенанты Жеңіс Әбдірахманов куә болған.
Ол ойланбастан көмекке ұмтылды. Оның айтуынша, ең бірінші орында – ғимаратта адамдардың жоқ екеніне көз жеткізу болды.
«Түтінді көріп, жағдайдың күрделі екенін түсіндім. Алдымен ішінде адамдардың бар-жоғын тексеріп, ешкім зардап шекпегеніне көз жеткіздім. Содан кейін жақын маңнан саты тауып, қою түтін шыққан шатыр бөлігін аштым. Астынан от ошағы анықталды. Қолда бар құралдармен жалынды сөндіріп үлгердім, кейін оқиға орнына өрт сөндірушілер келді», - деді, аға лейтенант Әбдірахманов.
Полицейдің батыл әрекетінің арқасында өрттің кеңінен таралуы мен адам шығынының алдын алу мүмкін болды. Өрт бастапқы кезеңде оқшауланды.
Жеңіс Абдрахманов бұл – әрбір саналы азаматтың жасауы тиіс ісі деп есептейді.
«Мен тек дұрыс деп санаған әрекетті жасадым. Мұндай сәттерде қызметте екенің маңызды емес. Егер көмектесе алсаң, қайғылы жағдайдың алдын алуға мүмкіндік болса – әрекет ету керек. Менің орнымда кез келген азамат солай істер еді деп ойлаймын».
Тексеру барысында 190-нан астам адам, сондай-ақ осындай орындардың қауіпсіздігін қамтамасыз ететін күзет ұйымдарының қызметі қаралды. Іс-шара барысында әкімшілік құқықбұзушылықтар анықталды. Атап айтқанда, түнгі уақытта кәмелетке толмағандардың заңды өкілдерінсіз жүруі, сондай-ақ мекеме әкімшілігінің тарапынан олардың қатысуына жол берілу деректері тіркелді.
Сонымен қатар, қоғамдық тәртіпті бұзу және ұсақ бұзақылық деректері анықталып, олар бойынша әкімшілік заңнамаға сәйкес шаралар қабылданды.
Алмалы аудандық полиция Басқармасының бастығы Максат Пшанның айтуынша, түнгі ойын-сауық орындарының қызметін бақылау жұмыстары жүйелі түрде жалғасады:
«Мұндай профилактикалық рейдтер қоғамдық тәртіпті сақтау, кәмелетке толмағандардың құқықтарын қорғау, сондай-ақ заңбұзушылықтардың алдын алу мақсатында өткізіледі. Біз «Заң және тәртіп» қағидаты негізінде әрекет етеміз. Ең бастысы – құқықбұзушылықтың алдын алып, қауіптердің туындауына жол бермеу», – деді, М.Пшан.
Барлық ойын-сауық орындарында азаматтардан келіп түскен шағымдар негізінде тексеру жүргізілді. Анықталған заңбұзушылықтар тіркеліп, материалдар заңнамаға сәйкес шара қабылдау үшін уәкілетті органдарға жолданды.
Шақыртуға бірден Әуезов аудандық полиция қызметкерлері әрекет етті.
Жеке әңгімелесу барысында әйел мен оның балаларының өмірі мен денсаулығына нақты қауіп төніп тұрғаны анықталды. Отбасының отағасы үнемі алкоголь ішіп, тыныштықты бұзып, тіпті түнде де жанжал шығарып, агрессия танытқан.
«Тұрмыстық зорлық-зомбылықтың алдын алу және оған уақытылы әрекет ету – біздің қызметтің басты басымдықтарының бірі. Әрбір хабарламаға біз дереу әрекет етеміз, себебі мәселе әйелдер мен балалардың қауіпсіздігі туралы болып отыр. Бұл жағдайда мүмкін болған қайғылы оқиғаның алдын алуға мүмкіндік туды. Әйелге құқықтық көмек көрсетіліп, қорғалды. Ол үш баласымен бірге дағдарыс орталығына орналастырылып, уақытша баспана, медициналық және психологиялық қолдау көрсетілді», – деді, Әуезов аудандық полиция Басқармасы бастығының орынбасары Даурен Майлықбаев.
Спикер, әйелдер мен балалардың құқықтарын қорғау тек полиция бөлімшелерінің арасында ғана емес, сондай-ақ әлеуметтік қорғау мекемелерімен, медициналық ұйымдармен, қоғамдық қорлармен және дағдарыс орталықтарымен тығыз өзара іс-қимылды талап ететінін атап өтті.
Алматыда отбасылық-тұрмыстық зорлық-зомбылықтың алдын алу бойынша жүйелі жұмыс жалғасуда. Аулаларды аралау, бұрын құқық бұзғандармен жеке профилактикалық әңгімелесулер, рейдтер мен тұрғындармен кездесулер үнемі өткізіліп тұрады. Құқықтық түсіндіру жұмыстарына ерекше назар аударылады.
Қаскөйлер негізінен түнгі уақытта әрекет етіп, бұрыш баллондарын және күш қолдануды пайдаланған. Олар ұялы телефондар, қол сағаттары мен қолма-қол ақшаны жымқырған. Алдын ала мәліметтерге сәйкес, олардың кемінде үш қылмысқа қатысы бар, бұл деректер қаланың әртүрлі аудандарында тіркелген.
«Жәбірленушілердің арыздарына жедел әрекет еттік. Аудандық бөлімшелермен бірлескен кәсіби жұмыс нәтижесінде қылмыстық топтың күдікті мүшелерін қысқа мерзім ішінде анықтап, ұстадық. Қазіргі уақытта олар уақытша ұстау изоляторына қамалды», – деді, Алматы қаласы ПД Криминалдық полиция Басқармасы бастығының орынбасары Владимир Решетников.
Әрбір дерек бойынша қылмыстық істер қозғалды. Ұрланған заттардың бір бөлігі тәркіленіп, заттай дәлелдеме ретінде іске тіркелді.
Қазіргі таңда полицейлер күдіктілердің осыған ұқсас басқа да қылмыстарға қатыстылығын анықтап, тиісті тергеу және жедел іс-шараларын жалғастыруда.
Сонымен қатар, Алматы қаласының полициясы азаматтарға мынадай ескерту жасайды: егер сіз немесе сіздің жақындарыңыз құқыққа қайшы әрекеттерге тап болса, бірден жақын маңдағы полиция бөлімшесіне немесе «102» нөміріне хабарласыңыз. Уақытылы жасалған хабарлама қылмыстың «ізін суытпай» ашылуына едәуір ықпал етеді.