АЛМАТЫ ОБЛЫСЫНДА ҚОҒАМДЫҚ ТӘРТІП ПЕН ЖОЛ ҚАУІПСІЗДІГІН ҚАМТАМАСЫЗ ЕТУ БОЙЫНША РЕЙД ӨТТІ

2025 жылғы 14 мамырда Алматы облысы аумағында облыстық полиция департаментінің патрульдік полиция батальоны қоғамдық тәртіп пен жол қозғалысы қауіпсіздігін қамтамасыз ету мақсатында профилактикалық рейд жүргізді.

Іс-шара барысында 70 әкімшілік құқықбұзушылық анықталды. Олардың ішінде 5 жағдай – көлік құралын масан күйде басқару, сондай-ақ 5 автокөліктің әйнектерін заңсыз қараңғылату фактісі тіркелді.

Сонымен қатар, жол қозғалысы ережелерін өрескел бұзу деректері – жүргізушілердің рөлде отырып мобильді телефон пайдалануы, көлік құралдарын белгіленген талаптарға сай келмейтін түрде қайта жабдықтау, тиісті құжаттарсыз көлік басқару және басқа да бұзушылықтар анықталды.

– Мұндай іс-шаралардың басты мақсаты – тек құқықбұзушыларды жазалау емес, сонымен қатар алдын алу. Біз жол-көлік оқиғаларының санын азайтып, барлық жол қозғалысына қатысушылардың қауіпсіздігін қамтамасыз етуді көздейміз, – деп толықтырды полицейлер.

Мұндай рейдтер тұрақты түрде өткізіліп, өңірде құқықтық тәртіп пен қауіпсіздікті қамтамасыз етуге бағытталған жүйелі жұмыстың бір бөлігі болып табылады.