АЛМАТЫ ОБЛЫСЫНДА ТҮНГІ ПАТРУЛЬДІК ҚЫЗМЕТ КҮШЕЙТІЛДІ

Алматы облысында жол қауіпсіздігін қамтамасыз ету және жол-көлік оқиғаларының алдын алу мақсатында полиция қызметкерлері түнгі патрульдеуді күшейтті.

Профилактикалық іс-шаралар жол-көлік оқиғаларының алдын алу, көлік тәртібін жақсарту, жүргізушілердің жол қозғалысы ережелерін сақтаудағы тұрақты дағдыларын дамыту және бұзушылықтар үшін жауапкершіліктің бұлтартпастығын еске салу мақсатында жүргізіледі.

– Тек өткен демалыс күндері ғана полицейлер патрульдік қызмет барысында 929 заңбұзушылықтың жолын кесті. Жолдағы ең қауіпті бұзушылықтардың бірі - мас күйінде көлікті басқару жағдайларын анықтауға ерекше назар аударылды. Рейдтердің нәтижесінде облыс орталығының көшелерінде жүргізілген рейдтер нәтижесінде мас күйінде көлік жүргізген бес жүргізуші ұсталды. Оларға бірнеше жылға көлік құралын басқару құқығынан айыру және әкімшілік қамауға алу жазасы қарастырылған, – деп атап өтті полиция қызметкерлері.

Жылдамдық нормаларының сақталуын, басып озу ережелерін, жаяу жүргіншілер өткелдері арқылы жүруін қадағалауға, сондай-ақ жол қозғалысына қатысушыларға қауіп төндіретін жүргізушілерді анықтауға ерекше назар аударылады.

Патрульдік экипаж жол-көлік оқиғалары жиі болатын учаскелерде, адамдар көп шоғырланатын жерлерде және қала сыртындағы трассаларда қызмет атқаруда. Жұмыс барлық құқық бұзушылықтарға жедел әрекет етіп, ықтимал оқиғалардың алдын алуға бағытталған.

– Түнгі рейдтерді күшейту шараларының басты мақсаты – жазалау емес, алдын алу: жүргізушілерге жол ережелерін сақтау, көлікті басқару кезінде аса мұқият әрі жауапты болу қажеттілігі ескертіледі, – деп толықтырды ведомствода.

Өңірлік полиция барлық жол қозғалысына қатысушыларды жол ережелерін қатаң сақтауға және жол қауіпсіздігі әрбір адамның жеке жауапкершілігінен басталатынын есте сақтауға шақырады.