ЗАҢДАҒЫ ӨЗГЕРІСТЕР – ЖОЛ ҚАУІПСІЗДІГІ ҮШІН

2025 жылғы 13 наурыздан бастап Қазақстанда Әкімшілік құқық бұзушылық туралы кодекске енгізілген түзетулер күшіне енеді. Бұл өзгерістер жауапкершілікті күшейтуге, қауіпсіздікті арттыруға және процестерді автоматтандыруға бағытталған.

Жаңа құқық бұзушылықтар құрамы – «Көлік қозғалысы кезінде терезеден шығу – 10 АЕК айыппұл», «Қарсы жолаққа шығу (құқықтан айырмай) – 30 АЕК айыппұл», «Қарсы жолаққа шығу және ЖКО жасау – 9 айға жүргізуші құқығынан айыру», «Теміржол өткеліндегі бұзушылық және ЖКО – 9 айға жүргізуші құқығынан айыру», «Медициналық емес мақсатта есірткі қолдану – 40 АЕК айыппұл немесе 10 тәулікке қамау (қайталанса – 80 АЕК/20 тәулік)».

Жауапкершілікті күшейту – «Жедел қызметтерге жалған қоңырау шалу – 120 АЕК-ке дейін айыппұл», «Арнайы көлікке жол бермеу – 40 АЕК-ке дейін айыппұл», «Жарамсыз паспорт пайдалану – 200 АЕК айыппұл», «Теміржол өткелінен өту ережесін бұзу – 20 АЕК айыппұл», «Көліктің ауаға зиянды зат бөлуі – 10 АЕК айыппұл», «Жасыл желектерді кесу – 30 АЕК айыппұл».

Жазаны жеңілдету – «Ақылы тұраққа төлем жасамау – айыппұл 1 АЕК-ке дейін төмендетілді», «Жәбірленушісіз болған ЖКО – жүргізуші құқығынан айыру алынып тасталды, 20 АЕК айыппұл».