Балқаш аудандық полиция бөлімінің қызметкерлері мал ұрлады деген күдікке ілінген азаматтың жеке басын анықтап, оны ұстады.
"Балқаш ауданы ПБ-ға Миялы ауылының 40 жастағы тұрғыны 1 бас ірі қара малын ұрлап кеткен белгісіз тұлғаларға қатысты шара қабылдау қажеттілігі туралы арызданды. Қылмыс жайылым учаскесінде жасалған. Келтірілген материалдық залал 500 000 теңге сомасында есептеледі", - деп хабарлады.
Жүргізілген жедел-іздестіру іс-шараларының нәтижесінде полицейлер осы қылмысты жасады деген күдікке ілінген адамды анықтап, ұстады.
"Аталған дерек ҚР ҚК 188-1-бабының 2-бөлігі бойынша СДТБТ-да тіркелді, яғни мал ұрлығы. Сотқа дейінгі тергеу барысында Бақбақты ауылының тұрғыны болып табылатын 25 жастағы күдікті анықталып , ол өз кінәсін толық мойындады. Оның басқа да осыған ұқсас қылмыстарға қатыстылығы тексерілуде. Өзге ақпарат тергеу мүддесі аясында жария етілмейді", - деп толықтырды Балхаш ауданының бастығы полиция полковнигі Руслан Қажмұратұлы