АЛМАТЫ ОБЛЫСЫНДА ҚР ІІМ ОҚУ ОРЫНДАРЫНА ТҮСУГЕ АРНАЛҒАН КАНДИДАТТАРДЫ КОНКУРСТЫҚ ІРІКТЕУДІҢ ҚОРЫТЫНДЫ КЕЗЕҢІ БАСТАЛДЫ

АЛМАТЫ ОБЛЫСЫ, 2026 жылғы 15 шілде — Алматы облысы Полиция департаментінде Қазақстан Республикасы Ішкі істер министрлігінің жоғары оқу орындарына түсетін абитуриенттерді конкурстық іріктеудің финалдық кезеңі басталды. Бүгін кандидаттар дене даярлығы нормативтерін тапсыруға кірісті.
Бұл кезең ҚР ІІМ білім беру ұйымдарына қабылдау қағидаларына қатаң сәйкестікте өткізілуде. Комиссия жұмысының негізгі қағидаттары — объективтілік, ашықтық және барлық қатысушылар үшін тең жағдай жасау.
Іріктеуді ұйымдастыру ПД бұйрығына сәйкес құрылған Өңірлік комиссияға жүктелген. Комиссия құрамына ПД басшылығының өкілдері, кадрлық, арнайы және кәсіби даярлық бөліністерінің қызметкерлері, сондай-ақ жұртшылық өкілдері, ардагерлер ұйымдары мен мәслихат депутаттары кірді.
Конкурстық іс-шараларды өткізу кестесі:
14 шілде: Абитуриенттердің келуі, қауіпсіздік техникасы бойынша нұсқаулық.
15–17 шілде: Дене даярлығы бойынша іріктеу.
18 шілде: Апелляцияларды қарау.
20 шілде: Қорытынды шығару.