7 мамыр қарсаңында полиция қызметкерлері «Жас сақшы» жасөспірімдеріне куәліктер табыстады

Отан қорғаушылар күні қарсаңында полиция қызметкерлері Қасым Қасенов атындағы мектептің 6 «Е» сынып оқушыларына арналған салтанатты іс-шара өткізді. Аталған оқушылар «Жас сақшы» әскери-патриоттық сыныбының тәрбиеленушілері болып табылады.

Іс-шара барысында оқушыларға ҚР ІІМ-нің «Арлан» спорт клубының қатысушы куәліктері табысталды. Бұл оқиға өскелең ұрпақтың бойында жауапкершілік, тәртіп және құқық қорғау органдары қызметіне деген құрметті қалыптастырудағы маңызды кезең болды.

Полиция қызметкерлері жастар арасында әскери-патриоттық тәрбиені дамыту азаматтық ұстанымды нығайтуда, құқықтық мәдениетті қалыптастыруда және қоғамға қызмет етуге дайындықта маңызды рөл атқаратынын атап өтті.

Кездесу барысында полиция қызметкерлері түсіндіру жұмыстарын жүргізіп, өз қызметтері туралы, заңдылық пен құқықтық тәртіптің маңызы жөнінде айтып берді, сондай-ақ оқушылардың сұрақтарына жауап берді.

Осындай іс-шаралар полиция мен қоғам арасындағы байланысты нығайтып, жастар арасында патриотизм мен салауатты өмір салты құндылықтарын қалыптастыруға ықпал етеді.