ҚАРАСАЙ АУДАНЫНДА ЖАСӨСПІРІМДЕР АРАСЫНДА ҚҰҚЫҚ БҰЗУШЫЛЫҚТЫҢ АЛДЫН АЛУ БАҒЫТЫНДА ТҮСІНДІРУ ЖҰМЫСТАРЫ ЖҮРГІЗІЛДІ

Қарасай ауданының «Үшқоңыр» балалар мен жасөспірімдер спорт мектебі» КММ-де жасөспірімдер арасында құқық бұзушылықтың алдын алу мақсатында ақпараттық-түсіндіру жұмыстары өткізілді.

Іс-шараны Қарасай ауданы полиция басқармасының капитаны Шеттикбаев Мадияр Чаймергенұлы жүргізді. Кездесу барысында жасөспірімдерге құқықтық сауаттылықты арттыру, құқық бұзушылықтың салдары мен жауапкершілігі, сондай-ақ заң талаптарын сақтау мәселелері кеңінен түсіндірілді.

Профилактикалық жұмыстың негізгі мақсаты – жасөспірімдердің құқықтық мәдениетін қалыптастыру, оларды заңды құрметтеуге, жеке жауапкершілікті сезінуге және құқыққа қайшы әрекеттерден аулақ болуға тәрбиелеу. Сонымен қатар, қоғамдық қауіпсіздікті қамтамасыз ету бағытында нақты мысалдар келтіріліп, сұрақ-жауап форматында пікір алмасу ұйымдастырылды.

Мұндай іс-шаралар жас буынның саналы әрі заңға құрметпен қарайтын азамат болып қалыптасуына ықпал етеді.