ТАЛҒАРДА «ЧЕМПИОНДЫҚ РУХ» ЖОБАСЫ АЯСЫНДА ЖАСТАРДЫ ЕСІРТКІСІЗ ӨМІРГЕ ШАҚЫРҒАН ІС-ШАРА ӨТТІ

Алматы облысы, Талғар ауданында «Чемпиондық рух» жобасы аясында жастарды салауатты және есірткісіз өмір салтына шақыру мақсатында кең ауқымды іс-шара ұйымдастырылды.

Іс-шараның басты мақсаты – жасөспірімдер мен жастар арасында спортқа қызығушылықты арттыру, олардың бойында отансүйгіштік пен азаматтық жауапкершілік сезімін қалыптастыру, сондай-ақ есірткіге қарсы иммунитетті нығайту болды.

Шараға Алматы облысы полиция департаменті бастығының бірінші орынбасары, полиция полковнигі Бағдат Бақбергенұлы Әшімов қатысып, жастарды өз өмірлерінде дұрыс таңдау жасауға, спорт пен еңбекті өмірлік қағида етуге шақырды.

– Есірткісіз өмір – бұл еркіндік, қуат пен өзіңе деген сенім. Өз өмірлеріңді бағалаңыздар, өз болашақтарыңыз үшін күресіңіздер және ешқашан өздеріңнің ең асыл қазыналарыңыз – еркіндік пен денсаулықтан айырылмаңыздар! – деді Бағдат Бақбергенұлы.

Сонымен қатар, қатысушылар табиғатты қорғау мен экологиялық сана қалыптастыру мақсатында ағаштар мен талдар отырғызды. Бұл акцияның символдық мәні – жас ұрпақтың таза табиғат пен салауатты өмір үшін бірлескен еңбегін көрсету.

Іс-шараға қоғам мен спорт саласының танымал өкілдері қатысты:
1. Данияр Алдабергенұлы Қасқарауов – Қазақстан Республикасы Мәжілісінің депутаты;
2. Қанат Ескелдіұлы Айдарбеков – Талғар ауданының әкімі;
3. Қанат Ислам – кәсіпқой боксшы, WBA FedeCaribe тұжырымының чемпионы, Бейжің Олимпиадасының қола жүлдегері;
4. Сергей Владимирович Горяной – Алматы облыстық мәслихат депутаты;
5. Бағдат Бақбергенұлы Әшімов – Алматы облысы полиция департаменті бастығының бірінші орынбасары, полиция полковнигі;
6. Дуглас Пума – кәсіпқой спортшы, халықаралық деңгейдегі боец;
7. Жасұлан Балғабайұлы Қыдырбаев – ауыр атлетикадан тұңғыш әлем чемпионы, Қазақстан Республикасының еңбек сіңірген спорт шебері;
8. Нұрсұлтан Жұмабайұлы Орынбасаров – Алматы облыстық мәслихат депутаты, «Чемпиондық рух» жобасының амбассадоры.

Шара соңында қатысушылар жастарды белсенді өмірлік ұстанымға, өз елінің болашағы үшін жауапкершілікпен қарауға және қоғамның дамуына үлес қосуға шақырды.

Алматы облысының полиция департаменті осындай жобалар арқылы жастар арасында есірткіге қарсы иммунитет қалыптастырып, оларды спорт пен рухани дамуға бағыттауды жалғастырады.