КАПШАҒАЙ СУ ҚОЙМАСЫНЫҢ ЖАҒАЛАУЫНДА ҚОҒАМДЫҚ ҚАУІПСІЗДІКТІ ҚАМТАМАСЫЗ ЕТУ ЖҰМЫСТАРЫ КҮШЕЙТІЛДІ

Жаз мезгілінде Қонаев қаласының полиция қызметкерлері Капшағай су қоймасының жағажайлары мен жағалау аумағында қоғамдық тәртіп пен қауіпсіздікті қамтамасыз ету шараларын күшейтті.

Құқықбұзушылықтардың алдын алу және демалушылар үшін қауіпсіз жағдай жасау мақсатында адам көп шоғырланатын аумақтарда күнделікті жаяу және көлік патрульдері ұйымдастырылуда. Полиция қызметкерлері азаматтармен профилактикалық әңгімелер жүргізіп, қоғамдық орындардағы тәртіп ережелері мен судағы қауіпсіздік талаптарын түсіндіруде.

Әсіресе балалармен демалуға келген отбасыларға ерекше назар аударылуда. Құқық қорғау органдарының басты мақсаты – құқықбұзушылықтарды болдырмаумен қатар, жайлы әрі қауіпсіз демалыс ортасын қалыптастыру.

Полиция барлық азаматтарды белгіленген тәртіпті сақтауға, айналадағыларға құрметпен қарауға және қауіпсіздік пен тәртіп — барлығымыздың ортақ жауапкершілігіміз екенін естен шығармауға шақырады.

Демалыс – қуаныш сыйлайтын әрі қауіпсіз болуы тиіс.