Ақтөбеде велосипед ұрлықтарымен айналысқан күдікті ұсталды

Ақтөбе қаласының криминалдық полиция қызметкерлері велосипед ұрлықтарының алдын алу және жолын кесу мақсатындағы жүргізілген профилактикалық іс-шара барысында және осындай қылмыстарға қатысы бар деген күдікпен 32 жастағы ер азаматты ұстады.
Тергеп-тексеру барысында күдікті Ақтөбе қаласында велосипед ұрлығымен айналысқанын мойындады. Ер азамат көпқабатты үйлердің аулалары мен кіреберістерінен велосипедтерді емін-еркін қол жеткізу жолымен жасырын ұрлап отырғанын жеткізді.
Ұрланған велосипедтерді ол әртүрлі сомаға бейтаныс адамдарға сатқан. Қазіргі уақытта күдікті төрт ұрлық фактісін жасағанын мойындады.
Ұрлық дерегі бойынша қозғалған қылмыстық іс аясында сотқа дейінгі тергеп-тексеру жүргізілуде. Ұрланған мүлікті сатып алушылар мен өткізу арналары анықталып жатыр.
Полиция департаменті азаматтарға сақтық шараларын сақтау: велосипедтерді қараусыз қалдырмау, арнайы бекіткіш құралдарды пайдалану, мүмкіндігінше мүлікті жабық немесе бейнебақылау жүргізетін орында сақтау қажеттігі туралы ескертеді.
Мүліктік қауіпсіздігіңіздің сақталуы – Сіздің қырағылығыңызға байланысты!