Ақмола облысының полицейлері жоғалған 13 жасөспірімді үйіне қайтарды

Құқық қорғау органдары ата-аналардан балаларының орналасқан жерін бақылауды күшейтуді және үйден өз еркімен кету фактілері туралы дереу полицияға хабарлауды сұрайды.
2025 жылдың басынан бастап өңірдің ювеналды полициясының қызметкерлері жасөспірімдердің белгісіз жоғалып кетуінің 13 фактісін тіркеді. 13 пен 17 жас аралығындағы кәмелетке толмағандар жай ғана үйлеріне оралмаған, ал полицейлер жедел – іздестіру және іздеу іс-шараларының кешенін жүргізді, нәтижесінде жоғалған адамдардың барлығы кезекші тәулікте үйлеріне қайтарылды.
Жасөспірімдердің өз бетінше кету фактілері биыл Көкшетау, Степногорск, Қосшы қалаларында, Аршалы және Целиноград аудандарында тіркелді. Әдетте, жоғалған жасөспірімдер Астанаға әртүрлі жолдармен кетіп, оларды полиция қызметкерлері тапты. Құқық қорғау органдарының айтуынша, жасөспірімдердің кетуінің негізгі себептері-отбасында өзара түсіністіктің болмауы, ата-аналармен немесе заңды өкілдермен қақтығыстар, ересектердің балаларының өміріне немқұрайлы қарау.
Сонымен бірге полицейлер ата-аналардан егер баланың үйге келмегені белгілі болған кезде, дереу дабыл қағуды сұрайды. Ересектердің әрекеттері неғұрлым тез болса, баланы табу ықтималдығы соғұрлым жоғары болады, оны күтуіп, оның өздігінен оралуына үміттенуге болмайды. Полицияға, еріктілерге дереу хабарлап, жасөспірімнің достары мен таныстарынан жауап алу керек. Ақмола облысының полиция департаменті ата-аналарды балаларының мінез-құлқына мұқият болуға және олардың уақытын бақылауға шақырады. ҚР ӘҚБтК 127-бабына сәйкес кәмелетке толмағандарды тәрбиелеу және білім беру, олардың құқықтары мен мүдделерін қорғау жөніндегі міндеттерді орындамағаны үшін заңды өкілдерге қатысты іс материалдарын сотқа бере отырып, әкімшілік жауапкершілік көзделгенін есте ұстаған жөн.