Ақмола облысында үш елік атқан браконьерлер ұсталды

Ақмола полицейлері заңсыз аң аулауға қарсы белсенді күресті жалғастыруда. Браконьерліктің кезекті фактісін криминалдық полиция басқармасының қызметкерлері полиция бөлімімен бірлесіп 29 қаңтарға қараған түні Зеренді ауданында анықтады.
Сағат 02:00 шамасында полиция қызметкерлері ВАЗ 21015 маркалы автокөлікті тоқтатты, оның салонында 33 жастағы жүргізуші мен екі жолаушы болған, олардың біреуі бұрын Қазақстан Республикасы Қылмыстық кодексінің 337-бабы бойынша қылмыстық жауапкершілікке тартылған.
Көлікті тексеру барысында жүксалғыштан үш елік ұшасы табылды.
Осы уақытта полиция қызметкерлері 31 жастағы жергілікті тұрғын басқарған Toyota Camry көлігін тоқтатты. Оның көлігінің салонында 12 калибрлі бір оқпанды мылтық пен оқ-дәрілер болды.
Тергеу-жедел іс-қимылдардың нәтижесінде екі көліктен де ер адамдар түнгі уақытта Бәйтерек ауылына бірге кетіп, атыс қаруынан үш бас елік шығарғаны анықталды.
Осы факті бойынша сотқа дейінгі тергеп-тексеру басталды. Тәркіленген жабайы жануарлардың өлекселері сараптамаға берілді.
Ақмола облысының полиция департаменті заңсыз аң аулау аймақтың экологиясына елеулі зиян келтіретінін және қылмыстық жауапкершілікке тартылатынын еске салады