Ақмола облысында шетелдік азамат кәсіпорын аумағынан жол тегістейтін темір каток ұрлап кеткен

Ағымдағы жылдың 17 шілдесінде Зеренді ауданының полиция бөліміне кәсіпорын басшылығынан 12 шілдеде ЖШС аумағынан белгісіз адаммен жол тегістейтін темір каток ұрлап әкеткені туралы өтініші келіп түсті. Қаскүнемнің іс-әрекетінен келтірілген залал сомасы белгіленуде.

Жедел-іздестіру іс-шаралары барысында полиция қызметкерлері ауыр жол техникасын ұрлап әкетушіні ұстады, ол жақын шетелдің 43 жастағы тұрғыны болып шықты.

Осы фактіге қатысты полиция бөлімімен ҚР ҚК 188-бабының 1-бөлігі "Ұрлық" бойынша сотқа дейінгі тергеу басталды.

Күдіктіге қатысты келу туралы міндеттеме түріндегі іс жүргізу мәжбүрлеу шарасы сайланды.