2024 жылдың басынан бастап үш жүзден астам қандас Қазақстан азаматтығын алып, ақмолалық атанды

 Көші-қон қызметі басқармасының хабарлауынша, жыл сайын Ақмола облысының Полиция департаментіне Қазақстан Республикасының азаматтығына тиесілігін алғысы келетін 500-ге жуық адам жүгінеді.
Көбінесе шетелдіктердің отбасымен бірігуі немесе "қандас" мәртебесі бар этникалық қазақтардың тарихи Отанының азаматтығын алуға деген ұмтылысы түрткі болады.
Ақмола облысында 2024 жылдың басынан бастап Қазақстан Республикасының азаматтығына жеңілдетілген тәртіппен 400-ге жуық шетелдіктер мен азаматтығы жоқ адамдар қабылданды, оның ішінде "қандаса" мәртебесі бар 377 адам.
Ақмола облысына келген азаматтыққа жүгінгендердің және қабылданғандардың басым бөлігі Түркіменстаннан – 340 адам, Ресей Федерациясынан - 18 азамат, ҚХР – 18, Моңғолиядан - 11 азамат және т. б..
Еңбек қызметін ресми жүргізу, жұмыс алу, жәрдемақыларды ресімдеу, жеңілдіктер мен тегін білім алу мүмкіндігі Қазақстан азаматтығына жатудың маңызды артықшылықтарының толық тізбесі болып табылмайды.
Сондай-ақ, Қазақстан азаматтығының артықшылықтарының бірі әлемнің көптеген елдеріне визасыз кіру мүмкіндігі болып табылады.
Естеріңізге сала кетейік, елде тұрақты тұратын "қандас" мәртебесі бар азаматтар тұру мерзіміне қарамастан Қазақстан Республикасының азаматтығын жеңілдетілген (тіркеу) тәртіппен ала алады.