Алаяқ Ақмола облысының тұрғынына жүргізуші куәлігін алуға көмектесуге уәде берді

 Көкшетау қаласының Полиция басқармасына алаяқтың құрбаны болған жергілікті тұрғын өтініш білдірді. Жәбірленушінің айтуынша, бейтаныс адам оны жүргізуші куәлігін алуға көмектесуге уәде беріп, алдаған.
2024 жылғы ақпанда бұрын жүргізу құқығынан айырылған жүргізуші куәлігін алу сылтауымен алаяқ өтініш берушіден 770 мың теңге талап етті.
Екі айдан кейін уәде етілгенін күтпей, аудан тұрғыны полицияға жүгінді. Жедел-іздестіру іс-шараларының нәтижесінде тәртіп сақшылары қаскүнемді ұстады. Ол уақытша жұмыс істемейтін, бұрын алаяқтық үшін қылмыстық жауапкершілікке тартылған облыс орталығының тұрғыны болып шықты.
Белгілі болғандай, алаяқтық жолмен алынған ақшаны алаяқ өз қажеттіліктеріне жұмсаған. Осы фактіге қатысты ҚР ҚК 190-бабының 1-бөлігі "Алаяқтық" бойынша сотқа дейінгі тергеу басталды.