Полицейлерді қорлаған видеоны түсірген екі ақмолалық қылмыстық жауапкершілікке тартылады

Бейне әлеуметтік желілерді тексеру барысында анықталды. Түсірілген бейнеде екі ақмолалық полиция қызметкерлерін балағаттады. Жасалған  бейнежазбада жас ер адам қызметтік автокөліктің төбесіне мініп алып, болған жайт жөнінде түсіндіріп, жазып алған.  

2020 жылдың 6 желтоқсанында учаскелік полиция инспекторы Сандықтау ауданының Новоникольское ауылын аулалық аралау барысында, сағат 22.30 шамасында құжаттарды тексеру және профилактикалық әңгімелесу жүргізу үшін аталған ауылдың тұрғындары болып табылмайтын екі жасты тоқтатқаны анықталды.

Жастар жас баламен жалғыз тұратын 20 жастағы жергілікті тұрғынның үйінің ауласынан шықты. Бұл туралы біле отырып, полиция қызметкері қыздың үйіне барып, оның қандай да бір көмекке мұқтаж екенін білуге барды.

Осы уақытта 18 және 21 жастағы жігіттер қызметтік көліктің төбесіне көтеріліп, билік өкілдерін қорлаған бейнені жазып, әлеуметтік желіге таратты.

Тәртіп сақшылары құқық бұзушыларға қатысты ҚР ҚК-нің 378-бабы           2-бөлігі «Билік өкілін қорлау» бойынша қылмыстық құқық бұзушылық құрамының белгілері бойынша сотқа дейінгі тергеуді бастады. Бейнежазба тәркіленді. Тергеу амалдары жалғасуда.