Дәрігердің қабылдауына жазылмақ болған тұрғын 6 миллион теңгесінен айырылды: Қосшы тұрғыны алаяқтардың құрбаны болды

Қосшы қаласының полиция бөліміне алаяқтардың құрбаны болған жергілікті тұрғын жүгінді. 12-16 маусым аралығында белгісіздер алаяқтық жолмен оның 6,1 миллион теңге көлемінде ақшалай қаражатына иелік еткен.
Полицейлердің анықтамасы бойынша, әйелге болжамды медициналық орталықтан қоңырау шалынып, дәрігерге жазылу туралы хабарланған. Жазбаны растау үшін одан SMS кодын айтуды сұраған. Осыдан кейін жәбірленушіге оның аккаунттарына бөгде адамдардың кіруі туралы хабарлама келе бастады, одан кейін оған қаржылық бақылаудың жалған қызметкерлері хабарласқан.
Жинақтарды қорғау сылтауымен алаяқтар әйелді депозиттен ақша шешіп алып, оны "қауіпсіз шоттарға" аударуға көндірген. Қаскөйлердің барлық нұсқауларын орындаған ол барлық жинақтарынан айырылды.
Алаяқтық фактісі бойынша қылмыстық іс қозғалды.
Полицейлер азаматтарды қырағы болуға және мемлекеттік органдардың, банктердің және медициналық мекемелердің қызметкерлері ешқашан SMS-тен кодтарды хабарлауды, ақшаны "қауіпсіз шоттарға" аударуды немесе қаражатты қорғау үшін несие алуды сұрамайтынын есте сақтауға шақырады.
Мұндай қоңыраулар түскен кезде сөйлесуді дереу тоқтатып, ұйыммен ресми телефондар арқылы дербес байланысу қажет.