Ақмола полицейлері демалысты жоспарлау кезінде туристік компанияларды таңдауда абай болуды ескертеді

Демалыс маусымының басталуымен Ақмола полицейлері туристік сапарларды ұйымдастырумен байланысты алаяқтық фактілері туралы ескертеді. Құқық қорғау органдары азаматтарды туроператорлар мен туристік агенттіктерді таңдауға мұқият қарауға, тек оң пікірлерге ие және ресми тіркелген сенімді компанияларға жүргінуге шақырады.
Осындай қылмыстардың бір мысалы Көкшетау қаласы полиция басқармасының қызметкерлері тергеп-тексерген қылмыстық іс болды. Іс бойынша 13 азамат жәбірленуші деп танылды, ал жалпы материалдық шығын шамамен 14 миллион теңгені құрады.
Тергеу мәліметтері бойынша, 2024 жылы Көкшетаудың 41 жастағы тұрғыны туристік фирма ұйымдастырып, клиенттерден танымал шет елдерде демалысты ұйымдастыру үшін төлем қабылдаған. Алайда, қолма-қол ақша алғаннан кейін, әйел рейстер мен туристік билеттерді брондамаған, сөйтіп жоспарланған сапарлардың орындалмауына әкеп соққан. Клиенттерге ақшалары қайтарылмаған. Кейін алданған азаматтар полицияға арыз берген.
Полицейлер туристік қызметтерді сатып алмас бұрын компания туралы мәліметтерді мұқият тексеріп, ресми келісімшарт жасасуды, төлем құжаттарын сақтауды және жолдамалардың күдікті төмен бағасымен байланысты ұсыныстарға сақтықпен қарауды ұсынады.
Егер алаяқтық әрекеттердің құрбаны болсаңыз, дереу полицияға хабарласыңыз.