Ақмола облысы учаскелік полиция инспекторларының бақылауында 200-ден астам адам бар

Учаскелік инспекторлар жұмысының маңызды бағыттарының бірі - бұрын қылмыстық жауапкершілікке тартылған адамдар арасында қайталама құқық бұзушылықтардың алдын алу. Полиция қызметкерлерінің тұрақты бақылауында шартты түрде мерзімінен бұрын босатылған азаматтар, сондай-ақ оларға қатысты әкімшілік қадағалау белгіленген адамдар.
Қазіргі уақытта өңірде осындай 200-ден астам азамат бар. Олардың әрқайсысымен жеке профилактикалық жұмыс жүргізіледі: учаскелік инспекторлар белгіленген шектеулердің сақталуын үнемі тексеріп отырады, тұрғылықты жері бойынша есеп берушілерге барады, профилактикалық әңгімелер жүргізеді, жұмысқа орналасуға және әлеуметтік бейімделуге жәрдемдеседі.
Полицейлер бұл шаралар қайталанған қылмыстар мен құқық бұзушылықтардың алдын алуға, сондай-ақ қоғамдық қауіпсіздікті қамтамасыз етуге арналғанын атап айтады.
Сонымен бірге барлық есепке алынған азаматтар бұрын жасаған қателіктерден қорытынды жасай бермейді. Құқық қорғау органдарының бақылауына және сот белгілеген шектеулерге қарамастан, адамдар заңнаманың тәртібі мен талаптарын бұзуды жалғастыруда.
Ағымдағы жылдың басынан бастап полиция қызметкерлерінің бастамасы бойынша соттарға шартты түрде мерзімінен бұрын босатылған 19 азаматқа қатысты материалдар жіберілді. Қабылданған шешімдердің нәтижесінде бұл адамдар жазаны одан әрі өтеу үшін бас бостандығынан айыру орындарына қайтарылды.
Полицейлердің айтуынша, мұндай шара белгіленген міндеттерді жүйелі түрде бұзған жағдайда ғана қолданылады және профилактиканың пәрменді құралы болып табылады. Оның негізгі міндеті-жаңа қылмыстардың және ықтимал ауыр зардаптардың алдын алу.
Ақмола облысының полиция департаменті белгіленген шектеулер мен заң талаптарын сақтау профилактикалық есепте тұрған барлық адамдар үшін міндетті болып табылатынын еске