Полицейлер мен "Жас сақшы" полиция сыныптарының оқушылары әскери-техникалық мектептің әскерге шақырылушыларының ант қабылдауына арналған салтанатты іс-шараға қатысты

Іс-шара салтанатты және патриоттық атмосферада өтті, әскери-техникалық мектептің басшылығы, қонақтар, әскерге шақырылушылардың жақындары мен туыстары жиналды. Осы маңызды күні болашақ Отан қорғаушылар ел игілігі үшін қызмет етуге және оның қауіпсіздігін қамтамасыз етуге дайын екендіктерін растап, Отанға адал болуға ант берді.

Іс-шараға "Жас сақшы" полиция сыныптарының жас тәрбиеленушілерінің қатысуы айрықша мән берді, олар ұрпақтар сабақтастығын және құқық қорғау органдарында ерте жастан қызмет етуге құрмет қалыптастыруды айқын көрсетеді. Олардың қатысуы жастардың тәртіпке, жауапкершілікке және азаматтық борышқа деген ұмтылысының символына айналды.

Ант қабылдау және әскери-техникалық мектеп басшылығының құттықтауынан кейін "Жас сақшы" оқушылары мен полиция департаментінің вокалдық тобы патриоттық бағыттағы музыкалық композицияларды орындады.

Жеке құраммен жұмыс жөніндегі басқарма бастығы полковник Ғалымжан Садықовтың айтуынша: "...мұндай іс-шаралар өскелең ұрпақты патриоттық тәрбиелеуде, өз елі үшін мақтаныш сезімін және оның қорғаушыларына құрмет сезімін нығайтуда маңызды рөл атқарады. Олар жастардың белсенді азаматтық ұстанымын қалыптастыруға және әскер мен құқық қорғау органдарындағы қызметтің беделін арттыруға ықпал етеді..».