Ақмола облысының ауыл мұғалімі алаяқтарға сеніп 20 млн теңгесінен айырылды

Ақмола облысында Целиноград ауданының ауыл мұғалімі интернет-алаяқтардан зардап шекті.
Полицияның мәліметінше, бес күн бойы белгісіз адамдар әйелге қоңырау шалып, өзін білім басқармасы мен қаржы мониторингі агенттігінің қызметкерлері етіп таныстырған.
Қаскөйлер жәбірленушіні оған қатысты заңсыз әрекеттер жасалып жатқанына сендіріп, "қаражатты қорғау" сылтауымен нұсқаулар берген. Күйзеліс күйде әйел өзінің депозитінен 17 миллион теңгені үшінші тұлғалардың шоттарына аударған.
Бесінші күні ғана аймақ тұрғыны полицияға жүгінді. Алаяқтық фактісі бойынша сотқа дейінгі тергеу жүргізілуде.
Құқық қорғау органдары азаматтарға қаржылық қауіпсіздік шараларын сақтау қажеттігін ескертеді, атап айтқанда, құқық қорғау және мемлекеттік органдар қызметкерлерінің қоңырауларына сенбеу, мұндай құрылымдар ақша аударуды немесе телефон арқылы несие ресімдеуді талап етпейді.
* Бейтаныс адамдардың нұсқауы бойынша шұғыл қаржылық операцияларды жасамаңыз, тіпті оларды шенеуніктер ұсынса да.
* Туыстарыңызбен немесе әріптестеріңізбен кеңесуді ұмытпаңыз— алаяқтар көбінесе әңгімені құпия ұстауды сұрайды.
* Жеке деректерді, SMS кодтарын және банк карталарының деректемелерін хабарламаңыз.
Полиция азаматтарды қырағы болуға және күдікті қоңыраулар келіп түскенде дереу құқық қорғау органдарына хабарласуға шақырады.