Балкашино тұрғыны жүргізуші куәлігін "қалпына келтіру" сылтауымен бірқатар алаяқтық жасады деген күдікке ілінді

Ағымдағы жылдың 23 ақпанында Сандықтау ауданының полиция бөліміне Петровка ауылының тұрғынынан алаяқтық фактісі туралы өтініш түсті.
Жәбірленушінің айтуынша, 2024 жылдың қазан айында бейтаныс адам 470 мың теңге сомасында оның ақшалай қаражатын иемденіп кеткен. Қаскүнем 2022 жылы мас күйінде көлік құралын басқарғаны үшін өтініш берушіден айырылған жүргізуші куәлігін қалпына келтіруге "көмектесуге" уәде берген.
Полицейлерге бұл схема таныс болып көрінді. Тексеру барысында бұл үшінші ұқсас факт екені анықталды. Күдікті Балкашино кентінің тұрғыны болып шықты, ол өзін жүргізуші куәлігін қалпына келтіруге, сондай-ақ тиісті санатты ресімдеуге ықпал ету мүмкіндігі бар адам ретінде көрсеткен.
Алдын ала деректер бойынша жәбірленушіге келтірілген жалпы шығын шамамен 2 миллион теңгені құрады.
Қазіргі уақытта ер адам қамауда. Тергеу әрекеттері жүргізілуде.
Полицейлер соттың көлік құралдарын басқару құқығынан айыру туралы шешімдерінің күшін жою мүмкін еместігін еске салады. Тәртіп сақшылары азаматтарды күмәнді ұсыныстарға сенбеуге және заңды мәселелерді шешуге уәде берген үшінші тұлғаларға ақшалай қаражат бермеуге шақырады.