Ақмола полицейлері бейтаныс адамдарға телефондарды бермеуді ескертеді

Ағымдағы жылдың 15 және 16 қыркүйегінде Көкшетау қаласының полиция басқармасына облыс орталығы мен Сандықтау ауданының тұрғындарынан өтініш келіп түсті.
Жәбірленушілердің айтуынша, қала көшелерінде 20-25 жас аралығындағы белгісіз жас жігіт "қоңырау шалу" туралы өтініш білдіріп, олардың "Samsung" маркалы ұялы телефондарын иемденіп, қашып кеткен. Бір жағдайда залал сомасы 200 мың теңгені, екіншісінде — 105 мың теңгені құрады.
Екі факті бойынша да сотқа дейінгі тергеп-тексеру басталды, күдіктіні анықтау және ұстау бойынша жедел-іздестіру іс-шаралары жүргізілуде.
Көшедегі қылмыстың алдын алу мақсатында, полиция қызметкерлері қоғамдық орындарда қосымша рейдтер жүргізеді, кешкі уақытта патрульдеуді күшейтеді, сондай-ақ азаматтарға: жеке заттарын бейтаныс адамдарға бермеуді, тәуліктің қараңғы мезгілінде сақ болуды, кез келген құқыққа қарсы іс-қимыл әрекеттері кезінде дереу полицияға жүгінуді еске салады.
Ұқыптылық пен сақтық алаяқтар мен қарақшылардың құрбаны болмауға көмектеседі.