Полицейлер Көкшетауда жазатайым оқиғаның алдын алды

Көкшетау қаласының полиция басқармасының кезекші бөліміне дабыл қағылған хабарлама келіп түсті: Юбилейный 3 мекенжайы бойынша бес қабатты үйдің төбесінде төмен секірмек болған ер адам тұрғаны туралы хабарлама келіп түсті.
Шақыруға «Әскер-3» автопатрулінің маршрутында болған,Көкшетау қ. ПБ патрульдік полиция батальонының аға инспекторы полиция аға лейтенанты Азамат Албаков жедел жауап берді. Ол дереу оқиға орнына келіп, шатырға көтеріліп, соңғы сәтте ер адамды ұстап қалды, оған қауіпті әрекет жасауға мүмкіндік бермеді.
Кейінірек белгілі болғандай, ер адам мас болған. Оның айтуынша, ол бесінші қабатта орналасқан пәтеріне осылайша кіруге тырысқан, себебі үйінің кілтін жоғалтты. Ер адам үйіне кіру үшін бұл әдісті бұрын қолданғанын мәлімдеді.
«Осындай шақыртуларға барғанда, бір ғана ой - ең бастысы адамды құтқару», - деп атап өтті Албаков.Ол мұндай шақыртуларда адам өмірі оның іс-әрекетіне байланысты болуы мүмкін екендігін айтты.
Осы жағдайдан кейін ер адаммен профилактикалық әңгіме өткізіліп, учаскелік инспекторға тапсырылды. Полиция басқармасында тұрғын үйге кірудің мұндай тәсілдері өте қауіпті және жол берілмейтіні екенін атап өтті. Кілттер жоғалған жағдайда есікті қауіпсіз және заңды түрде ашуға көмектесетін арнайы қызметтерге хабарласу қажет.