Көкшетау тұрғыны жұмысқа орналасу туралы уәдеге сеніп, 6 миллион теңгеден айырылды

Ақмола полицейлері еске салады: ресми растаусыз жұмысқа орналасу уәделеріне сенбеңіз.
Жұмыс іздеу кезінде тек ресми кадрлық агенттіктерге немесе тікелей ұйымдарға хабарласыңыз. Жұмысқа орналасуға жәрдемдесу туралы уәделері үшін ешқашан жеке тұлғаларға ақша бермеңіз.
Мәселен, ағымдағы жылдың 2 қыркүйегінде Көкшетау қаласының полиция басқармасына жергілікті тұрғыннан алаяқтық фактісі туралы арыз келіп түсті.
Ер адамның айтуынша, ол танымайтын әйел ағымдағы жылдың 3 сәуірі мен 31 тамызы аралығында жұмысқа орналасуға көмек көрсету сылтауымен 6 млн. теңге көлемінде алаяқтық жолмен ақша қаражатын иемденген.
Алаяқтық жасады деген күдік бойынша жедел-іздестіру іс-шаралары барысында облыс орталығының 33 жастағы тұрғыны анықталды.
Осы факті бойынша сотқа дейінгі тергеп-тексеру басталды.
Ақмола облысының полиция департаменті азаматтарға жүгінеді: шарт жасаспай жеке делдалдар арқылы жұмысқа орналасуға келіспеңіз, жұмыс берушілер туралы ақпараттың дұрыстығын тексеріңіз, күмән туындаған жағдайда дереу құқық қорғау органдарына хабарлаңыз.
Қаржыңызға қамқорлық жасаңыз және сақ болыңыз — алаяқтардың жеке басының пайдасы үшін адамдардың сенімділігін пайдалануы жиі кездесіп тұрады.