Ақмола облысында алғаш рет полиция қызметкерлері арасында «Таяқ Тарту» көшпенділер ойыны өтті

«Динамо» дене шынықтыру-спорт қоғамының 100 жылдығына орай Ақмола облысында алғаш рет полиция қызметкерлері арасында «Таяқ Тарту» ойыны бойынша жарыс өтті.
Іс - шара тек спорттық іс-шара ғана емес - бұл аймақтың түкпір-түкпірінен 80-нен астам полицейді біріктіріп, ұлттық құндылықтардың мәдени жаңғыруының бір бөлігіне айналды.
Көптеген қатысушылар үшін жарыс нағыз жаңалық болды. «Таяқ Тарту» көшпенділердің ғасырлық тарихы бар ойын, қатысушыларға бәсекелестік, жолдастық және дәстүрлерді құрметтеу рухын сыйлай отырып, қызықты және әсерлі оқиғаға айналды.
Жарыстың салтанатты ашылуы Ақмола облысы Полиция департаменті бастығының орынбасары полиция полковнигі Аслан Қызбикеновтың қатысуымен өтті. Өз сөзінде ол корпоративтік рухты нығайту және құқық қорғау органдары арасында салауатты өмір салтын насихаттау үшін осындай іс-шаралардың маңыздылығын атап өтті.
«Динамо» ДШСҚ Ақмола филиалы төрағасының бірінші орынбасары Виктор Семенович Букреев қатысушыларды құттықтап, осы қоғамның жүз жылдығының маңыздылығын және оның Қазақстандағы дене шынықтыру мен спортты дамытуға қосқан үлесін атап өтті.
Таяқ-тартудың мәні екі спортшының таяқ тартуы болып табылады. Спортшылар бір-біріне қарсы отырады, аяқтарын тіреу тақтасына тірейді және төрешілер командасы бойынша қарсыласын өз жағына сүйреуге немесе қарсыласының қолынан таяқшаны жұлып алуға тырысады. Жеңістің кепілі-тепе-теңдікті сақтау және одан қарсыласты шығару.
Жеке біріншіліктің жеңімпаздары: в 70 келіге дейінгі салмақ дәрежесі: 1 орын - Алмас Жамшитов (Сандықтау ПБ), 2 орын - Рахат Абдрахманов (ЖҚАЖ) және 3 орын - Нұрболат Бақыт (Көкшетау ПБ);
80 келіге дейінгі салмақ дәрежесі: 1 орын - Еламан Қайргелдинов (ЖҚАЖ), 2 орын – Максим Шоя (Бурабай ПБ) және 3 орын - Алшынбек Қайдар (Бурабай ПБ);
90 келіге дейінгі салмақ дәрежесі: 1 орын - Борис Грасько (ОЖВ), 2 орын - Бақтияр Жүсіпов (Бурабай ПБ), 3 орын - Мейрам Каримов (ЖҚАЖ);
100 келіге дейінгі салмақ дәрежесі: 1 орын – Ерлан Жакупов (Ақмола облысы ПД ОЖВ бастығы), 2 орын – Баядилов Мейрам (Көкшетау ПБ) және 3 орын-Шынболат Қалымов (ЖҚАЖ);
100 келіден жоғары салмақ дәрежесі: 1 орын - Ержан Сейсекеев (Ақкөл ПБ), 2 орын – Қасиет Аубакир (Степногорск ПБ), 3 орын – Рүстем Сапаров (Көкшетау ПБ);
Командалық есепте жеңімпаздар: 1 орын - Ақмола облысының Полиция департаменті, 2 орын - Бурабай ауданының полиция бөлімі және 3 орын - Көкшетау қаласының полиция басқармасы;
Іс-шараның нағыз сәні ІІМ ардагері, Бурабай аудандық полиция бөлімінің зейнеткері Қанат Қизатұлы Имангалиевтың қатысқаны болды. Ол өз командасын турнирге жеке өзі алып келді және жас әріптестерінің өнерін ерекше мақтанышпен тамашалады:
««Таяқ Тарту» күнделікті өмірге оралғанын мен таңданыспен және тәнтімен қарап тұрмын. Бұл жай ойын емес, біздің мәдениетіміз бен рухымыздың бір бөлігі. Менің командам лайықты нәтиже көрсеткеніне өте қуаныштымын», - деп атап өтті ақсақал.
Барлық жеңімпаздар медальдармен және бағалы сыйлықтармен марапатталды. Жүлдегер командалар кубоктар мен мақтау қағаздарын алды. Турнир тек спорттық іс-шара ғана емес, сонымен бірге бірліктің, рух күшінің және ұлттық дәстүрлерді құрметтеудің символына айналды.