Полицейлер жоғалған банк карталарынан ұрлық жағдайларын анықтауда

Ақмола облысында жыл сайын банк карталарының жоғалу жағдайлары тіркеледі, оны зиянкестер жиі пайдаланады. Картадан ұрлықтың құрбаны болмас үшін оны қауіпсіз жерде сақтау, үшінші тұлғаларға бермеу және жоғалған жағдайда банк арқылы дереу бұғаттау маңызды.
Мәселен, ағымдағы жылдың 11 тамызында Көкшетау қаласының полиция басқармасына зейнеткерлік жастағы жергілікті тұрғын жүгінді. Ол оның жоғалған банк картасын пайдаланып, 6 тамызда белгісіз адам 56 мың теңгеге сатып алулар жасағанын хабарлады.
Сол күні полиция бөліміне Бурабай ауданының тұрғыны жүгінді. Ол 10-11 тамызға қараған түні, сағат 00:30-дан 06:00-ге дейінгі аралықта оның жоғалған банктік картасын иемденген белгісіз адам сатып алулар жүргізгенін хабарлады.
Жедел-іздестіру іс-шаралары барысында полиция қызметкерлері Щучинск қаласы мен облыс орталығының тұрғындарын анықтады. Олардың жәбірленушілердің банк карталарынан ұрлыққа қатысы тексерілуде.
Ақмола облысының полиция департаменті азаматтарды банк карталарын пайдалану кезінде қауіпсіздік шараларын сақтауға шақырады.
Жеке қаржы құралдарына жауапкершілікпен қарау-зиянкестердің әрекеттерінен ең жақсы қорғаныс.