Мас күйінде көлік жүргізу, жүргізуші куәлігінің болмауы және жылдамдық режимінен асып кету: Ақмола облысында патрульдік полицейлер жеке такси жүргізушілерінің арасында бұзушылықтарды анықтауда

Такси жүргізушілері жол қозғалысы ережелерін 300-ден астам бұзушылықты Ақмола патрульдері бір тәулік ішінде тоқтатты. Өңірде "тасымалдаушы" Республикалық жедел – профилактикалық іс-шарасы өтуде.
Рейдтік пысықтаудың негізгі мақсаты жеке тұлғалардың жолаушылар мен багажды заңсыз тасымалдау фактілерін уақтылы анықтау және жолын кесу болып табылады. ЖПО барысында полиция қызметкерлері жолаушылар көлігін, жүргізушілердің құжаттарын, көлік құралдарының техникалық жай-күйін, сондай-ақ заңнама нормалары мен талаптарының сақталуын тексереді.
Тек бір тәулік ішінде қабылданған шаралармен такси жүргізушілерінің 300-ден астам жол қозғалысы ережелерін бұзғаны анықталды, 16 заңсыз такси жүргізушісі ұсталды.
Патрульдік Экипаждар мас күйінде көлік құралдарын басқарудың үш фактісін тоқтатты, 39 жүргізушіде тиісті құжаттар мүлдем болған жоқ.
Мысалы, Бұланды ауданында іс-шара барысында жолаушыларды тасымалдайтын "ГАЗель" маркалы автокөлігі тоқтатылды. Тексеру кезінде жүргізушінің осы типтегі көлік құралын басқаруға қажетті тиісті санаттағы жүргізуші куәлігі жоқ екендігі анықталды. Жүргізуші басқарудан шеттетіліп, оған қатысты әкімшілік материалдар жасалды.
Мұндай жағдайлар жолаушыларды тасымалдау ережелерінің сақталуын үнемі бақылаудың маңыздылығын көрсетеді. Тиісті санатсыз көлікті басқару жолаушылардың да, жол қозғалысының басқа да қатысушыларының өмірі мен денсаулығына елеулі қауіп төндіреді.
Жергілікті полиция қызметі басқармасы бастығының орынбасары Уәлихан Жүніспековтың айтуынша, биыл өңір аумағында такси жүргізушілерінің кінәсінен болған 4 жол-көлік оқиғасы тіркелген. Апат салдарынан 2 адам қаза тауып, бесеуі түрлі жарақат алды.