Ақмола облысының жұртшылығы жанжалқорлар мен жұмыссыздарды қолға алды: өңірде жұртшылық кеңестері белсенді дамып келеді.

"Заң және тәртіп" қағидатын іске асыра отырып, Ақмола облысының полицейлері өңірдегі жұртшылық кеңестерін кеңейтуге бастамашы болды. Бүгінгі таңда жалпы саны 800 адамнан асатын 138 осындай құралым белсенді құқықтық және профилактикалық жұмыс жүргізуде. Кеңес мүшелері отырыстар өткізеді, онда криминогендік жағдайдың жай-күйін талқылайды, ең бастысы, полицияда есепте тұрған жанжалқорлар мен жұмыссыздардың мінез-құлқын бірлесіп қарастырады.
Кезекті кеңес Сандықтау ауданының Балкашино ауылында өтті. Айта кету керек, Валентина Рудидің төрағалығымен жергілікті жұртшылық кеңесі аймақтағы ең белсенді және нәтижелі кеңестердің бірі болып табылады. Төрағаның айтуынша, кеңестің қарауыңдағы адамдар ішімдік тәуелділігінен толық айығып, жұмысқа орналасып, отбасына оралғандар туралы көптеген оң мысалдар бар. Бұл ретте полиция мен қоғамның көмегі басты рөл атқарды.
Отырысқа сондай-ақ жергілікті полиция қызметі басқармасының орынбасары Ерболат Хусаинов пен "Сенімен болашақ" қоғамдық бірлестігінің басшысы Айгүл Нурмаганбетова қатысты. Отырысқа қатысушылар азғындық өмір салтын ұстанатын: алкогольді асыра пайдаланатын, ұсақ құқық бұзушылықтар жасайтын және бірнеше рет жауапқа тартылған төрт ауыл тұрғынының мінез-құлқын қарастырды.
Бірнеше ай бойы полицейлер азаматтармен профилактикалық жұмыстарын жүргізді, алайда отырыста олардың мінез-құлқын талқылау және түпкілікті шешім шығару туралы шешім қабылданды.
Айта кету керек, кейбір ауыл тұрғындары оларды алкоголизмнен емдеуге жіберу туралы ерікті тілек білдірді және полиция мен жұртшылықтың көмегімен емдеу жақын арада басталады.
Полицейлер атап өткендей, полиция мен қоғамның мұндай өзара іс-қимылы "Зиялы қауым" бағдарламасының тиімділігінің айқын дәлелі және Ақмола өңіріндегі тұрақты жедел жағдайдың басты факторы болып табылады.